نئی دہلی: سینئر صحافی رجت شرما نے ہفتہ کو دہلی اور ڈسٹرکٹ کرکٹ ایسوسی ایشن (ڈی ڈی سی اے )صدر کے عہدے سے استعفیٰ دے دیا۔اس کی وجہ انہوں نے ادارے کے درمیان چل رہی کھینچ تان اور دباؤ میں عہدے پر بنے رہنے کو بتایا ۔شرما کی تقریبا ً20 ماہ کی مدت کے اتار چڑھاو سے بھرا رہی ۔ اس دوران ان کے سیکرٹری جنرل ونود تہاڑا سے اختلافات عوامی طور پر سامنے آئے۔

https://twitter.com/RajatSharmaLive/status/1195588604010958848
تہاڑا کو تنظیم میں اچھی حمایت حاصل ہے۔شرما نے بیان میں کہا، یہاں کرکٹ انتظامیہ ہر وقت کھینچ تان اور دباؤ سے بھری ہوتی ہے۔مجھے لگتا ہے کہ یہاں ذاتی مفاد  ہمیشہ کرکٹ  مفادات کے خلاف سرگرم ہیں۔
انہوں نے کہا، ایسا لگتا ہے کہ ڈ ی ڈی سی اے میں اخلاص، ایمانداری اور شفافیت کے اصولوں کے ساتھ چلنا ممکن نہیں ہے جن سے کہ میں کسی بھی قیمت پر سمجھوتہ نہیں کروں گا۔شرما سابق وزیر خزانہ آنجہانی ارون جیتلی کی حمایت ملنے پر کرکٹ انتظامیہ سے جڑے تھے۔
ڈی ڈی سی اے کے اندرونی ذرائع کا خیال ہے کہ جیتلی کے انتقال کے بعد شرما کمزور پڑ گئے  تھے، کیونکہ سابق وزیر خزانہ ادارے کے مختلف دھڑوں کو متحد رکھنے میں اہم کردار ادا تھے ۔

انہوں نے کہا، مجھے اپنی کوشش میں کئی طرح کی رکاوٹوں، مخالفت  کا سامنا کرنا پڑا، بس مجھے منصفانہ اور شفاف طریقوں سے اپنے فرائض انجام دینے سے روکنا تھا۔ شرما نے کہا، اس لئے میں نے ہٹنے کا فیصلہ کیا ہے اور ڈی ڈی سی اے  صدر کے عہدے سے فوری اثر سے اپنا استعفیٰ سب سے اوپر ی کونسل کے حوالے کر دیا ہے۔