نیشنل ڈیسک: شہریت ترمیمی  قانون کی مخالفت میں ملک کے کئی حصوں میں احتجاج دیکھنے کو ملا۔ سی اے اے  کی مخالفت میں ہوئے پرتشدد مظاہروں میںمظاہرین نے ٹرین اور ریلوے اسٹیشن کو نشانہ بنایا۔ جگہ جگہ بھارتیہ ریلوے کی پراپرٹی کو جلایا گیا یا  اور  توڑ پھوڑ کی گئی۔ ریلوے کو مغربی بنگال میں ریلوے کے احاطے میں آتشزنی و تشدد کی وجہ سے  84 کروڑ روپے کا نقصان ہوا ہے۔

کولکتہ ہائی کورٹ کے سامنے داخل کی گئی رپورٹ میں بھارتیہ ریلوے نے دعویٰ کیا ہے کہ مغربی بنگال میں 13 دسمبر سے 15 دسمبر کے درمیان سی اے اے  اور این آر سی  کے خلاف مظاہروں کے دوران ہوئے تشدد میں اس  کو84 کروڑ روپے کی جائیداد کا نقصان ہوا ہے۔  مشرقی ریلوے نے چیف جسٹس ٹی بی این رادھا کرشنن اور جسٹس اے بنرجی کی بینچ کے سامنے جمعہ کو ایک حلف نا مہ پیش کیا ،جس میںکہا گیا کہ احتجاج کے چلتے اس 72.2 کروڑ روپے کا نقصان ہوا

حلف نامے میں کہا گیاکہ  سب سے زیادہ 46 کروڑ روپے کا نقصان سیالدہ ڈویژن میں ہوا۔اس کے علاوہ مالدہ ڈویژن میں 24.5 کروڑ روپے کا نقصان ہوا ہے۔جنوب مشرقی ریلوے نے ایک مختلف حلف نامے میں کہا کہ اس 12.75 کروڑ روپے کا نقصان ہوا ہے۔معاملے کی اگلی سماعت چار ہفتے بعد ہو گی۔ اس کے علاوہ ٹرینوں کے کینسل ہونے سے بھی ریلوے کو بڑا نقصان ہوا ہے۔جبکہ اس سے عام لوگوں کو ہونے والی پریشانی کا اندازہ ممکن نہیں ہے اور اس کو روپے میں بھی تبدیل نہیں کیا جا سکتا ہے۔
بتا دیں کہ اس ماہ کے آغاز میں ناراض مظاہرین نے مغربی بنگال کے مختلف حصوں میں ریلوے کی بہت املاک کو نقصان پہنچا دیا۔انہوں نے اسٹیشن ماسٹر کے کیبن کو آگ لگائی اور ریاست کے مرشدآباد ضلع کے بیلڈانگا میں آگ لگانے سے پہلے ٹکٹ کاؤنٹر پر توڑ پھوڑ کی۔

الزام ثابت ہوا تو ملے گی سزا
انڈین ریلوے پہلی بار  تحریک کے نام پر ظلم کرنے والوں پر سخت کارروائی کرنے جا رہا ہے ۔ریلوے اس معاملے میں 151 کے تحت کیس درج کرائے گا۔اس ایکٹ کے تحت زیادہ سے زیادہ 7 سال تک کی سزا کا قانون ہے، اس معاملے میں  مجرم ٹھہرائے جانے اور کم از کم 2 سال یا زیادہ سے زیادہ سزا ہونے پر مجرم کوئی الیکشن نہیں لڑ سکے گا۔یہی نہیں پہلی بار ریلوے  پراپرٹی کو نقصان پہنچانے والوں کے خلاف نقصان کی وصولی کے لئے عدالت کا سہارا لیا جائے گا۔