اسلام آباد: پاکستان کی پنجاب پولیس نے انجانے میں ملک میں داخل ہونے والے ایک مبینہ بھارتی شہری کو گرفتار کرنے کا دعویٰ کیا ہے۔ پاکستان رینجرز نے بغیر کسی قانونی کارروائی کے اسے 100 دن سے زیادہ عرصے تک حراست میں رکھا۔ پولیس کے مطابق مبینہ بھارتی شہری بی جے سنگھ 16 اگست کو بھارتی بچن سنگھ پوسٹ کے سامنے اجمل شہید پوسٹ کے پاس سے پاکستان میں داخل ہو گیا۔ سنگھ (31) آسام کا رہنے والا ہے۔

پولیس نے بتایا کہ رینجرز کے جوانوں نے اسے بھارت۔پاکستان سرحد کے قریب سے گرفتار کیا اور تین ماہ سے زیادہ عرصے تک اس سے پوچھ گچھ کی۔ حکام نے بتایا کہ سنگھ کے پاس سے کوئی مشتبہ چیز برآمد نہ ہونے کے بعد اسے اس ہفتے لاہور سے تقریباً 50 کلومیٹر دور قصور کے صدر پولیس تھانے کو سونپ دیا گیا۔ بتایا جا رہا ہے کہ وہ اپنے والد برشن سنگھ کے ساتھ کسی گھریلو مسئلے پر جھگڑا ہونے کے بعد گھر چھوڑ کر نکل گیا تھا۔ پولیس نے اس کے خلاف پاکستان میں غیر قانونی طور پر داخل ہونے کا مقدمہ درج کیا ہے۔