ڈالٹن گنج: وزیر اعظم نریندر مودی نے کانگرس اور اس کی سابقہ حکومتوں پر ایودھیا رام جنم بھومی تنازعہ کو ووٹ بنک کی خاطر سالوں تک  لٹکائے رکھنے کا الزام لگاتے ہوئے آج کہا کہ اگر کانگرس چاہتی تو اس تنازعہ کی وجہ سے  معاشرے میں  درارنہیں پڑتی۔

مودی نے یہاں پلامو کے چیانک ہوائی اڈہ میدان میں بی جے پی امیدواروں کے حق میں انتخابی ریلی سے خطاب کرتے ہوئے کہا، '' کانگرس اور اس کی سابقہ  حکومتوں نے بھگوان رام کی جائے پیدائش ایودھیا تنازعہ کو برسوں تک لٹکائے رکھا۔کانگرس چاہتی تو اس تنازعہ کا حل ہو سکتا تھا لیکن اس نے ایسا نہیں کیا۔اس نے صرف اپنے ووٹ بنک کا خیال کیا۔

مودی نے کہا کہ کانگرس کی انہی پالیسیوں کی وجہ سے معاشرے  میںصرف درار پڑی ہیں۔ انہوں نے کہا، '' بی جے پی نے اس تنازعہ کے حل کا وعدہ کیا تھا، جسے مکمل کر کے دکھایا ہے۔ یہ ہم 'ایک بھارت بہترین بھارت کے خواب کو پورا کرنے کے لئے کر رہے ہیں۔بی جے پی صرف  وعدہ اور عزم وارادہ د نہیں لیتی بلکہ اسے ثابت بھی کرتی ہے۔