نیشنل ڈیسک : انڈین سپیس ریسرچ آرگنائزیشن ( اسرو) کی چاند کی سطح پر سافٹ لینڈنگ بھلے ہی امید کے مطابق نہیں رہی  لیکن ستاروں سے آگے جانے کے اس کے ارادے ابھی بھی مضبوط ہیں ۔ اب اسرو منگلیان 2 (مارس آربیٹر مشن 2 ، مام 2) بھیجنے کی تیاری کررہا ہے ۔ اسرو نے اپنے ٹویٹر ہینڈل سے جانکاری دہے کہ 2022 یا 2023 میں وہ ہندوستان کا سب سے بہترین خلائی مشن دوبارہ بھیجے گا ۔ 

اس بار منگلیان صرف مریخ کے چکر ہی نہیں لگائے گا بلکہ لینڈر اور روور منگل کی سطح پر اتر کر تجربات بھی کرے گا ۔ وہاں کی سطح ، ماحولیات ، تابکاری ، طوفان ، درجہ حرارت وغیرہ کا مطالع کرے گا ۔ اسرو نے پانچ نومبر 2013 کو آندھر پردیش کے شری ہری کوٹہ سے پی ایس ایل وی راکیٹ سے منگلیان کو 9 مہینے کے دورے پر روانہ کیا تھا ۔ یہ زمین کے کشش والے علاقے سے یکم دسمبر 2013 کو باہر نکل گیا ۔ 

منگلیان لال سیارے کا مطالع کرنے کیلئے مشن پر بھیجا گیا تھا ۔ یہ ابھی کام کررہا ہے اور اسرو کے سائنسدان کو مسلسل مریخ کی تصاویر اور جانکاریاں بھیج رہا ہے ۔ اسرو کے افسروں کے مطابق مارس آربیٹر اب تک دو ٹیرابائٹ کی ہزاروں تصاویر بھیج چکا ہے ۔ 
منگلیان کی کامیابی  اس لئے بھی تاریخی تھی کیونکہ ہندوستان اپنی پہلی کوشش میں ہی مریخ پر پہنچ جانے والا دنیا کا پہلا ملک بن گیا تھا ۔ مریخ پر پہنچنے والے امریکہ جیسے ممالک بھی کئی کوششوں کے بعد مریخ تک پہنچے تھے ۔