نئی دہلی : 11 دسمبر 1935 کو مغربی بنگال کے مراتی میں پیدا ہوئے ملک کے سابق صدر پرنب مکھرجی کا آج یعنی 11 دسمبر کو 84 واں یوم پیدائش ہے ۔اس خاص موقع پر وزیر اعظم نریندر مودی نے انہیں نیک خواہشات دی ہے۔ وزیر اعظم مودی نے ٹویٹ کر کہا کہ 'ہمارے سابق صدر اور سیاستدان کو سالگرہ کی مبارک باد۔

ایک نظر ان کے سیاسی کیریئر پر
 اپنے 6 دہاکے  طویل سیاسی کیریئر کی شروعات سال 1969 سے شروع کی تھی۔انہوں نے مغربی بنگال کے مدناپور کے لئے ہوئے  ضمنی انتخابات  میں آزاد امیدوار وی کے مینن کی کامیاب انتخابی مہم سنبھالی تھی ۔اس کے بعد اس وقت کے وزیر اعظم اندرا گاندھی کی نظر ان پر پڑی اور انہیں انڈین نیشنل کانگرس میں شامل کر لیا۔کانگرس میں رہتے ہوئے انہوں نے مختلف حکومتوں میں کئی عہدے سنبھالے۔ 1969 میں اندرا گاندھی نے انہیں کانگرس کی ٹکٹ پر راجیہ سبھا کا ممبر پارلیمنٹ بنایا اور 1973 میں انہیں کابینہ میں شامل کر لیا گیا تھا۔

پرنب مکھر جی پر لگے دباؤ ڈالنے کے الزام
جب 1975 سے لے کر 1977 ملک میں اندرا حکومت نے ایمرجنسی لگا دی تھی، پھر دوسرے کانگریسی لیڈروں کی طرح پرنب مکھرجی پر جابرانہ کارروائی کرنے کے الزام لگے تھے۔مختلف وزارت میں کام کے تجربے کے چلتے انہوں پہلی بار 1982 سے لے کر 1984  تک ملک کے وزیر خزانہ کے طور پر کام کیا۔ وہ 1980 سے لے کر 1985  تک راجیہ سبھا میں ایوان کے لیڈر بھی رہے۔

قسمت نہیں دیا ساتھ 
 اگرچہ، اندرا گاندھی کے قتل کے بعد ملک کے وزیر اعظم بنے راجیو گاندھی نے انہیں زیادہ اہمیت نہیں دی اور ایک طریقے سے وہ حاشئے پر چلے گئے تھے۔سال 1984 میں اندرا کے قتل کے بعد راجیو کی جگہ وہ خود وزیر اعظم بننا چاہتے تھے۔لیکن، قسمت نے ان کا ساتھ نہیں دیا اور یہ کرسی راجیو گاندھی کو مل گئی۔ راجیو کے وزیر اعظم بننے کے بعد انہوں نے قومی سوشلسٹ کانگرس پارٹی تشکیل دی ۔تاہم، 1991  میں راجیو گاندھی کے قتل کے بعد پی وی نرسمہا را ؤکی قیادت میں بنی مرکزی حکومت کے بعد مکھرجی کا سیاسی کیریئر پھر چمک اٹھا۔ 1991 میں را ؤنے انہیں منصوبہ بندی کمیشن کا سربراہ مقرر کر دیا اور 1995 میں انہیں وزیر خارجہ مقرر کر دیا گیا۔

پرنب مکھرجی کا 13 سے رہا ہے ناطہ 
 بھارت کے سابق صدر کا 13 سے منفرد اور پرانا ناطہ رہا ہے۔وہ بھارت کے 13 ویں صدر بنے اور دہلی میں ان کے پاس 13 نمبر بنگلہ ہے۔وہیں ان کی شادی کی سالگرہ بھی 13 تاریخ کو آتی ہے۔