وزیر اعظم نریندر مودی نے آج مہاراشٹر کے بیڑ میں جلسے سے خطاب کرتے ہوئے کانگرس اور این سی پی پر جم کر نشانہ لگایا۔وزیر اعظم مودی نے کہا کہ ملک کے اتحاد وسالمیت میں کانگرس کو ہندو مسلمان نظر آتا ہے اور تاریخ میں جب بھی 370 کی بحث ہوگی تو ملک کے مفاد میں لئے گئے  کئے فیصلے کی مخالفت کرنے والوں کا، ان کے بیانات کا ذکر ضرور ہوگا۔

انہوں نے اپوزیشن حملہ آور ہوتے ہوئے کہا کہ  کانگرس کے ایک  لیڈر نے کہا تھا آرٹیکل 370 کو ہٹانے کے فیصلے سے ملک تباہ ہو جائے گا، 3 ماہ ہو گئے ہیں، کیا ملک تباہ ہو گیا ہے؟ ایک اور کانگرس لیڈر نے کہا کہ ہم نے آرٹیکل 370 کو منسوخ کرکے کشمیر کو کھو دیا ہے، کیا ہم کشمیر کھو چکے ہیں؟ اگر آپ جانا چاہتے ہیں  تو جائیں ، مجھے بتائیں ، میں بندوبست کر دوں گا۔

پی ایم مودی نے آرٹیکل 370 پر کہا کہ اس کو ہٹانے کے فیصلے پر اپوزیشن پارٹی کے ایک لیڈر ایک نے کہا تھا کہ یہ کسی کو قتل کرنے جیسا ہے۔ایک لیڈر نے کہا کہ یہ بھارت کی سیاست کا سیاہ دن ہے۔ایک لیڈر نے کہا کہ یہ جمہوریت کے خلاف ہے، ایک اور بڑے لیڈر نے کہا کہ ہندوستان میں جمہوریت کی ختم ہو گئی ہے ۔