نیشنل ڈیسک: جموں کشمیر کی سابق وزیر اعلیٰ محبوبہ مفتی دفعہ 370 ختم کئے جانے کے بعد سے نظر بند ہیں، کل ان سے پیپلز ڈیموکریٹک پارٹی کے 10 ارکان پر مشتمل وفد ملاقات کرے گا ۔ محبوبہ کی پارٹی کے نیتاؤں نے گورنر ستیہ پال ملک سے اس کے لئے درخواست کی تھی ، جس کو منظور کر لیا گیا ۔
بتادیں کہ اس سے پہلے نیشنل کانفرنس کے صدر اور جمو ں کشمیر کے سابق وزیر اعلیٰ فاروق عبداللہ اور ا نکے بیٹے عمر عبداللہ سے ان کی پارٹی کے 15 ارکان نے ملاقات کی تھی وفد نے دونوں نیتاؤں کے ساتھ الگ الگ میٹنگ میں ریاست کے حالات اور لوکل باڈیز کے انتخابات پر تبادلہ خیال کیا ۔اس ملاقات کے بعد وائرل ہوئیں تصاویر میں فاروق عبداللہ مسکراتے ہوئے دکھائے دئیے تھے۔
قابل ذکر ہے کہ مودی حکومت نے جموں کشمیر سے5 اگست کو دفعہ 370 کو ہٹا کر ریاست کو دوس مرکزکے زیر انتظام ریاست میں تقسیم کر دیا تھا ۔اس دوران جموں کشمیر کے کئی بڑے لیڈران کو نظر بند کر دیا گیا تھا ۔ان میں سابق وزیر اعلیٰ محبوبہ مفتی بھی شامل ہیں۔ سپریم کورٹ نے گزشتہ دنوں ان کی بیٹی کو اپنی والدہ سے ملاقات کرنے کی اجازت دی تھی ۔