جالندھر : ایک سائبر ٹھگ نے پے ٹی ایم کی کے وائی سی  کرانے کے نام پر ایک شخص سے قریب 49 ہزار روپے کی ٹھگی کر ڈالی ۔ ٹھگ نے شخص سے ایک ایپ ڈاؤن لوڈ کروا کر اس کا فون ریموٹ پر لے لیا ، جس کے بعد اس نے ایک روپے کی ٹرانزیکشن کرنے کیلئے کہا ۔ اس درمیان جنریٹ ہوا ون ٹائم پاسوارڈ ٹھگ کے پاس چلا گیا اور اس نے دیکھتے ہی دیکھتے 80 سیکنڈ کے اندر 3 بار پیسے ٹرانسفر کر دئیے ۔ حیرت کی بات تو یہ ہے کہ جس کسٹمر کیئر نمبر پر شخص کی ٹھگ سے بات ہورہی تھی اس نمبر پر ایک دوبار فون کیا گیا تو ٹھگ نے کہا کہ پیسے واپس چاہئے تو فون ایپ کے ذریعے اسے ریموٹ پر دے دو ۔

اس طرح ہوا ٹھگی کا شکار
ٹھگی کا شکار ہوا شخص موہندر سنگھ پھگواڑہ کا رہنے والا ہے ۔ اس نے اس کی شکایت سائبر کرائم  سیل کو آن لائن کی ہے جبکہ پھگواڑہ تھانے میں اس کی لکھت شکایت بھی کی ہے ۔ شکایت کنندہ کا کہنا ہے کہ 17 دسمبر کو پے ٹی ایم پر میسج آیا کہ آپ کی کے وائی سی ختم ہوگئی ہے اور اسے ری نیو  کیا جانا ہے ۔ میسج میں یہ بھی لکھا تھا کہ اگر آپ کے وائی سی نہیں کرواتے ہیں تو آپ کا اکاؤنٹ 24 گھنٹے کے اندر بلاک کردیا جائے گا ۔ میسج میں ایک کسٹمر کیئر نمبر 7735982550 دیا گیا تھا ۔ موہندر کا کہنا ہے کہ جب اس نے اس نمبر پر فون کیا تو اسے پروفیشنل طریقے سے بات چیت کی گئی جیسا کہ اکثر کمپنی کے ایگزکیوٹو بات کرتے ہیں ۔

پے ٹی ایم نے دی یہ صفائی
پرائیویٹ کمپنی میں کام کرتے شکایت کنندہ نے  کہا کہ اس نے جب اپنے پیسوں کے بارے پے ٹی ایم کسٹمر کیئر پر فون کیا تو آگے سے جواب ملا کہ ہم آپ کے معاملے کی جانچ کررہے ہیں ۔ ساتھ ہی یقین دلایا کہ اگر ممکن ہوا تو پیسے واپس دلانے کی کوشش کریں گے ۔ اس میں کچھ دن لگ سکتے ہیں ۔