نئی دہلی: جے این یو طلبہ یونین کے سابق صدر کنہیا کمار نے جمعرات کو مرکزی حکومت پر نشانہ لگاتے ہوئے کہا کہ اداکارہ دیپکا جب مودی حکومت کی اسکیموں کی تشہیر کر رہی تھیں تو محب وطن تھیں، لیکن جے این یو جاتے ہی غدار ہو گئیں۔کمار نے یہاں انسانی وسائل کی ترقی کی وزارت کے باہر جمع بھیڑ کو خطاب کرتے ہوئے یہ بھی کہا کہ 2014 سے پہلے کوئی ٹکڑے ٹکڑے حکومت نہیں تھی۔
بتادیں کہ بی جے پی ٹکڑے ٹکڑے گینگ لفظ کا استعمال علیحدگی پسندوں سے مبینہ طور پر ہمدردی رکھنے والوں کے لئے کرتی ہے۔دراصل، پانچ جنوری کو نقاب پوش بھیڑ نے جے این یو میں طالب علموں پر حملہ کر دیا تھا۔حملے میں زخمی طالب علموں کے ساتھ یکجہتی دکھانے کے لئے دیپکا منگل کو جے این یو گئیں تھی۔اگرچہ اس دوران انہوں نے کچھ نہیں بولا تھا۔
دیپکا کے جے این یو جانے پر ایک طبقے نے ان کی تعریف کی تو وہیں دوسری طرف کچھ لوگوں نے تیکھی تنقید بھی کی۔ بی جے پی لیڈر ساکشی مہاراج اور سمرتی ایرانی نے دیپیکا کو ٹکڑے ٹکڑے گینگ کی ممبر بتایا۔ دیپکا پادوکون اور بیڈمنٹن کھلاڑی پی وی سندھو کو گزشتہ سال 22 اکتوبر کو مودی حکومت کی سکیم ' بھارت کی لکشمی' کا سفیر بنایا گیا تھا۔اس اقدام کا مقصد ملک بھر میں خواتین کی طرف سے کئے گئے قابل ستائش کاموں کو روشنی میں لانا تھا۔