پشاور : جمعیت علماء اسلام چیف مولانا فضل الرحمن کے اعلان سے پاکستان خوف میں نظر آرہا ہے ۔ اپنے ہزاروں حمایتیوں کے ساتھ کراچی سے آزادی مارچ لے کر اسلام آباد پہنچے ۔ علماء اسلام چیف مولانا فضل الرحمن نے وزیر اعظم عمران خان کے استعفے کے دو دن کے الٹی میٹم کی میعاد اتوار رات کو ختم ہونے کے بعد اعلان کیا کہ اسلام آباد بند کرنے کے بعد اب پورے ملک میں بندی کی جائے گی ۔ انہوں نے یہ بھی کہا کہ آزادی مارچ کا مقصد جب تک حاصل نہیں ہوجاتا تب انکی اور ان کے حمایتیوں کی جدوجہد جاری رہے گا ۔
دوسری جانب اپوزیشن جماعت کے آزادی مارچ سے ڈرے پاکستانی وزیر اعظم عمران خان کا حوصلہ اب پست ہونے لگا ہے ۔ یہی وجہ ہے کہ ان کی حکومت اب مارچ کی قیادت کرنے والے فضل الرحمن کے خلاف کیس کرنے کی تیاری میں ہے ۔ نیوز ایجنسی آئی اے این ایس کی رپورٹ کے مطابق عمران حکومت ان پر بغاوت کے الزام میں معاملہ درج کرے گی ۔ پاکستانی اخبار ڈان کی رپورٹ کے مطابق وزیر دفاع پرویز کھٹک نے سنیچر کے روز کہا کہ حکومت نے علماء اسلام تنظیم کے سربراہ فضل الرحمن پر بغاوت کا مقدمہ درج کرانے کا فیصلہ لیا ہے ۔
