نئی دہلی : جب سے ہندوستان حکومت نے کشمیر سے دفعہ 370 ہٹانے کا فیصلہ لیا ہے تب سے ہی پی او کے کو لے کر پاکستانی کرکٹروں اور لیڈروں میں سرگرمیاں بڑھ گئی ہیں اور ہندوستان کے خلاف بے تکی بیان بازی کررہے ہیں ۔ گذشتہ دنوں میاں داد نے بنیان دیا تھا کہ وہ ایل او سی پر جاکر مارچ کریں گے جس کی حمایت شاہد آفریدی نے بھی کی تھی ۔ آفریدی نے ایک ٹویٹ پر اس مارچ میں شامل ہونے کی بات کہی تھی ۔ لیکن آفریدی اپنے اسی ٹویٹ کی وجہ سے سے پاکستان میں ٹرول ہورہے ہیں ۔
دراصل پاکستان کی ایک خاتون صحافی نے آفریدی کا اس ٹویٹ کیلئے مذاق اڑایا ہے ۔ نائیلا عنایت نامی اس صحافی نے آفریدی کے ٹویٹ کے جواب میں لکھا ہے کہ میں کیسے امید کر سکتی ہوں کہ آپ کالز کے جواب میں آدھے گھنٹے تک وہاں کھڑے رہوگے جبکہ بلے بازی کرنے گئے آپ اس سے بھی کم وقت گزارا کرتے تھے ۔