اسلام آباد : پاکستان کے وزیر خارجہ شاہ محمود قریشی نے اقوام متحدہ سکیورٹی کونسل ( یو این ایس سی ) کو 7 واں خط لکھا ہے ۔ جس میں ایسا دعویٰ کیا گیا ہے کہ ہندوستان نے کشمیر سے متصل سرحد ( ایل او سی ) پر مختلف طرح کی میزائلیں تعینات کی ہیں اور وہ کشمیر کے 'سنگین حالات' سے دنیا کا دھیان ہٹانے کیلئے پاکستان پر حملہ کر سکتا ہے ۔
بتا دیں کہ اس کا بیان ایسے وقت میں آیا ہے جب حال ہی میں ہندوستانی فوجی سربراہ جنرل بپن راوت نے کہا تھا کہ سرحد پر صورتحال کبھی بھی بگڑ سکتی ہے اور فوج اس سے نمٹنے کیلئے تیار ہے ۔ ایسا لگ رہا ہے کہ پاکستان ، ہندوستانی فوجی سربراہ کے اس بیان سے ڈر گیا ہے اور سکیورٹی شکایت لگانے چلا گیا ۔ سکیورٹی کونسل اور یو این سیکرٹری جنرل کے نام اپنے خط میں قریشی نے کہا کہ ہندوستانی کارروائی سے جنوبی ایشیا میں پہلے سے چل رہی کشیدگی میں مزید اضافہ ہوگا ۔