اسلام آباد: پاکستان نے  بھارت میں دہشت گردانہ حملوں کا منصوبہ بنایا ہے اور انہیں انجام دینے کے لئے نیا خاکہ تیار کیا ہے۔ انٹیلی جنس رپورٹس کے مطابق پاکستان کی  خفیہ ایجنسی انٹر سروسز انٹیلی جنس  (آئی ایس آئی نے اسے  k2 (کشمیر - خالصتان  نیکسس )کا نام دیا ہے۔انٹیلی جنس انپٹس کے مطابق سوشل میڈیا پر سرگرم پنجاب واقع  میں خالصتانی عناصر کو سرحد پار سے آن لائن ٹریننگ دی جا رہی ہے۔

ان میں دھماکہ خیز مواد بنانے کی معلومات، پلاننگ اور دہشت گردانہ حملوں کو انجام دینا شامل ہے۔ انپٹس سے یہ بھی پتہ چلتا ہے کہ آئی ایس آئی  ایجنٹ دھماکہ خیز مواد بنانے کے ماڈیول کو فنڈنگ کر رہے ہیں۔ ذرائع نے  بتایا کہ تحریک کشمیر سے منسلک تنویر قادر حال میں سرگرم ہوئے پنجاب واقع  میں خالصتانی ماڈیول کو فنڈنگ کے لئے کام کر رہا ہے۔اس کا ناطہ علیحدگی پسند ایجنڈے ریفرینڈم2020  کو چلانے والے سکھ فار جسٹس  ( سی ایف جے )سے بھی بتایا جاتا ہے۔

انٹیلی جنس ذرائع نے بتایا کہ پنجاب واقع علیحدگی پسند عناصر کو پاکستانی خفیہ ایجنسی  آئی ایس آئی کی جانب سے  سرگرم کیا جانا باعث تشویش ہے اور اسے سنجیدگی سے لیا گیا ہے۔انٹیلی جنس رپورٹوںمیں اشارہ دیا گیا ہے کہ آسٹریلیا اور اٹلی میں موجود خالصتانی  عناصر پنجاب میں علیحدگی پسند سرگرمیوں کو تیز کرنے کی فراق میں ہیں۔