بالی وڈ ٹیم : آیوشمان کھورانہ کو فلم انڈسٹری میں لگ بھگ 7 سال ہو گئے ہیں ۔ ان کے نام بہترین اداکاری کیلئے نیشنل ایوارڈ کے ساتھ کئی ہٹ فلمیں بھی ہیں ۔ آج کا 35 واں یوم پیدائش ہے ۔ ان کی پیدائش چنڈی گڑھ میں ہوئی تھی اور ابتدائی تعلیم بھی وہیں سے حاصل کی تھی ۔ ان کے یوم پیدائش پر آج ہم آپ کو ان کی Love Story کے بارے میں بتائیں گے ۔ 

اداکار آیوشمان کھورانہ نے ہمیں بڑے پردے پر خوب ساری لو سٹوری فلمیں دی ہیں ۔ لیکن ان کے اور اہلیہ طاہرہ کشیپ کی ریئل لو سٹوری بھی کسی فلمی لو سٹوری جیسی ہی ہے ۔ 
آیوشمان ایک ریئلٹی شو فاتح ، فارمر ویڈیو جاکی ، گلوکار ، اداکار اور ایک رائٹر بھی ہیں ۔ ظاہر ہے آیوشمان اور طاہرہ دونوں کے پاس کئی طرح ٹیلنٹ ہیں اور ایک ایسی انڈسٹری میں ہیں ، جہاں ہمیں بریک اپ کی خبریں سامنے آتی رہتی ہیں ۔ ایسے میں یہ دونوں سب کے لئے ایک مثال ہیں ۔ 

2011 میں شادی کے بندھن میں بندھنے والے اس جوڑے کے 2 خوبصورت بچے بھی ہیں ۔ آیوشمان اور طاہرہ کے علاوہ ان کے پریوار میں بیٹا وراج ویر اور بیٹی وروشکا ہیں لیکن کیا آپ کو معلوم ہے کہ یہ جوڑا ایک دوسرے کو اپنے سکولی وقت سے جانتا ہے ؟ 

انڈیا ٹوڈے میں طاہرہ کے ذریعے لکھے ایک لام میں بتایا گیا ہے کہ یہ جوڑا پہلی بار چنڈی گڑھ میں اپنے بارہویں جماعت میں فزکس کے ٹیوشن میں ملے تھے ۔ 
انہوں نے کہا کہ میں پرانے دنوں میں واپس نہیں جانا چاہتی لیکن چنڈی گڑھ کا ایک الگ ہی تجربہ تھا ۔ ہم دونوں ہی بیحد شرمیلے تھے ۔ جب ہم 12 ویں جماعت میں تھے ، تب ہم دونوں ایک ہی فزکس کلاس میں شامل ہوئے تھے ۔ یہ لگ بھگ 60 طلباء کا ایک بیچ تھا اور جب میں پہلی بار آیوشمان سے ملی تو مجھے لگا اس کا نام ابھیشیک ہے ۔  طاہرہ لڑکوں کے درمیان پاپولر تھی ، لیکن سبھی کی اکٹریشن کے باوجود بھی ان کی نظر آیوشمان پر لگی ہوئی تھی ۔ مجھے اور میری دوست دونوں کو آیوشمان پر کرش تھا ، لیکن پورے سال انہیں اگنور کیا ، بعد میں پتہ چلا کہ ان کو بھی مجھ پر کرش تھا ۔ 

ایک انٹر ویو کے دوران آیوشمان نے بتایا کہ وہ طاہرہ کے بارے میں جان کر بیحد حیران تھے ! جب مجھے پتہ چلا کہ ان کا مجھ پر کرش ہے تو مجھے یقین نہیں ہورہا تھا ۔ وہ کلاس میں سب سے خوبصورت تھی اور میں اس کے آس پاس بھی نہیں تھا ۔ اس لئے جب کسی نے مجھے بتایا کہ طاہرہ کا مجھ پر کرش ہے تو میں ساتویں آسمان پر تھا ۔ ایسی لڑکی جو ہر لڑکے کا کرش تھی ، اس کا مجھ پر کرش تھا تو مجھے تو یقین ہی نہیں ہورہا تھا ۔ میں بہت زیادہ خوش تھا ۔ 

طاہرہ نے بتایا کہ ایک دن میرے والد نے ہم سے کہا کہ ہمین ڈنر  کیلئے ان کے دوست کے گھر جانا ہے ، جو ایک ایسٹرولاجر ہیں ۔ میں نے جلدی سے اپنی دوست کو فون کیا اور اور اسے ڈنر کے بارے میں بتایا۔ ہم نے پلان بنایا کہ ہم دونوں پاپا کے ایسٹرولاجر دوست سے ملیں گے اور انے اپنے امتحانات کے بارے میں پوچھیں گے ۔ جب رات کے کھانے پر پہنچے تو وہاں آیوشمان سے ملے ، جو میرے پاپا کے دوست کا بیٹا تھا ۔ اس لئے ہمیں ملانے کیلئے ہم آج تک اپنے والدین کو بھی کریڈٹ دیتے ہیں ۔ آیوشمان کا میوزک بھی انہیں قریب لانے میں بہت مدد گار بنا ۔