ممبئی : ہندوستانی کرکٹ ٹیم کے چیف سلیکٹر ایم ایس کے پرساد اب نوجوان وکیٹ کیپر کے ساتھ آگے بڑھنا چاہتے ہیں اور ان کی پالیسی  میں مہندر سنگھ دھونی کیلئے کوئی جگہ نہیں بچی ہے ۔ بنگلہ دیش کے خلاف آئندہ ٹی 20 سیریز کیلئے جمعرات کو اعلان کی گئی ہندوستانی ٹیم کے بعد اب یہ واضح ہوگیا ہے کہ ہندوستانی کرکٹ میں اب دھونی کے ختم ہوگئے ہیں ۔ 

ٹیم کے اعلان کے وقت پرساد سے دھونی کے بارے میں چار بار سوال پوچھا گیا  ، جس کے بعد میں انہوں نے کوئی سیدھا جواب نہیں دیا لیکن جو کچھ بھی کہا اس کا سیدھا مطلب یہی تھا کہ دھونی کو اب ریٹائرمنٹ لے لینی چاہئے ۔ دھونی ٹیسٹ سے کافی پہلے ریٹائرمنٹ لے چکے ہیں اور اس سال جون میں انگلینڈ میں ورنڈے ورلڈ کپ کھیلنے کے بعد سے ہی وہ میدان سے باہر ہیں ۔ پرساد نے یہ تو  نہیں کہا کہ دھونی کو ہٹایا گیا ہے لیکن انہوں نے کہا ،' ہماری واضح سوچ ہے کہ ورلڈ کپ کے بعد ہم پوری طرح ریشبھ پنت پر دھیان مرکوز کررہے ہیں ۔ '

جب ان سے اس مدعے پر کچھ اور سوال پوچھے گئے تو پرساد نے کہا،' میں نے ورلڈ کپ کے بعد ہی کہا تھا کہ ہم آگے بڑھ رہے ہیں ۔ ہم نوجوانوں کو موقع دے رہے ہیں تاکہ وہ خود کی ٹیم میں جگہ بنا سکیں ۔ ' پنت اچھا کررہے ہیں اور سنجو سیمسن بیک اپ وکیٹ کیپر کے طور پر ٹیم میں آگئے ہیں ۔ مجھے لگتا ہے کہ اب آپ سمجھ گئے ہوں گے کہ ہماری سوچ کیا ہے ۔ انہوں نے ساتھ ہی کہا کہ دھونی خود بھی نوجوان کو حمایت دینے کی بات کرتے ہیں ۔ '