ممبئی: اداکارہ رچا چڈھا کا شمار بالی وڈ کی ان حسیناؤں میں سے ایک ہے ، جو ہر مدعے پر بیباکی سے بیان دیتی ہیں ۔ رچا چڈھا نے اب با ہریدوار میں ہونے والے کنبھ میلے کے بارے میں ٹویٹ کیا ۔ اس ٹویٹ کے ذریعے انہوں نے کنبھ میلے سے متعلق وزیر اعظم نریندر مودی کے بیان کو بھی نشانہ بنایا ہے۔
دراصل ، وزیر اعظم نریندر مودی نے حال ہی میں کنبھ میلے کے بارے میں ٹویٹ کیا ہے۔ انہوں نے لکھا کہ ' میں نے دعا کی ہے کہ دو شاہی اسنان ہوچکے ہیں اور اب کنبھ کو کورونا بحران کی وجہ سے علامتی رکھا جائے ۔ اس بحران کے خلاف لڑائی کو تقویت ملے گی' ۔
اس کے بعد انہوں نے ایک اور ٹویٹ لکھا کہ ' آچاریہ مہامنڈلیشور پوجیہ سوامی اودھیش نند جی جی سے آج فون پر بات کی۔ سب سنتوں کی صحت کا حال جانا ۔ تمام سنت انتظامیہ کو ہر طرح کا تعاون دے رہی ہیں۔ میں نے اس کے لئے سنت سماج کا شکریہ ادا کیا'۔
وزیر اعظم مودی کے ٹویٹ پر طنز کستے ہوئے رچا چڈھا نے لکھا کہ ' مجھے لگتا ہے کہ وزیر اعظم مجھ سے متفق ہیں۔ اس بارے میں بات کر نے کے لئے تمام نیوز پورٹل کا انتظار کیا جا رہا ہے ۔ اس سے پہلے بھی رچا چڈھا نے مہاکنبھ کو وبا پھیلانے والا پروگرام قرار دیا تھا۔
رچا چڈھا کے علاوہ کنگنا راناوت نے بھی پی ایم مودی ٹویٹ پر رد عمل دیا ہے ۔ کنگنا نے وزیر اعظم سے اپیل کی اور لکھا کہ کنبھ میلے کے بعد اب وزیر اعظم کو رمضان کی وجہ سے جمع والی بھیڑ کے لئے بھی حکم دینا چاہئے ۔