سردی نے دستک دے دی ہے۔  کنپکپاتی سردی انسان تو انسان جانوروں کے لئے بھی مسئلہ بن گئی ہے۔ایسے میں شہر نگم نے گایوں کو سردی اور سرد  لہر سے بچانے کے لئے ان  'کاؤ کوٹ'( گائے کی جیکٹ / کوٹ) پہنانے کی تیاری شروع کر دی ہے۔یہ عمل 2-3 مراحل میں لاگو ہوگا۔
شہر کمشنر ڈاکٹر نیرج شکلا نے بتایا کہ گایوں کو سردی سے بچانے کے لئے یہاں کی گئوشالا میں'کاؤ کوٹ 'کے انتظامات کئے جا رہے ہیں۔ یہا ںپر گایوں کی تعداد 1200ہے ۔ یہ عمل 2-3 مراحل میں لاگو ہوگا۔پہلے یہاں پر 100 بچھڑوں کے لئے کوٹ تیار کرائے جائیں گے۔

انہوں نے مزید بتایا کہ بچھڑوں کے لئے تین لیئر( پرت) والا کوٹ بنایا جا رہا ہے۔پہلے نرم کپڑا اس کے بعد فوم  اور پھر جوٹ لگا کر بنایا جائے گا۔پہلے کپڑا اس لئے کہ یہ بچھڑوں کو چبھے گا نہیں۔پھر فوم اس لئے کے گیلی  جگہ بیٹھنے پر وہ آسانی سے اس کو سکھا دے گا اور جوٹ گرماہٹ فراہم کرے گا۔اس کاسیمپل  تیار ہو گیا ہے۔نومبر ختم ہوتے ہی یہاں پر اس  کی ترسیل ہو جائے گی۔اس کی قیمت 250 روپے اور 300 روپے کے درمیان میں آئے گی۔نر اور مادہ  جانوروں کے لئے الگ - الگ کوٹ بنائے جائیں گے۔ انہیں پہنانے میں دقت نہ ہو تو  اس لئے اس کو  ڈوگی اسٹائل سے باندھنے کا انتظام  ہوگا۔

اس موضوع پر ایودھیا کے میئررشی کیش اپادھیائے نے بتایا کہ گئو ماں کی خدمت پر ہماری مکمل توجہ ہے۔ کاؤ کوٹ کے علاوہ سردی کی لہر سے بچانے کے لئے جو بھی انتظام ہوں گے، وہ ایودھیا میونسپل کرے گی۔اسے ہم لوگ ایک بہترین گئوشالا کے طور پر آہستہ آہستہ ترقی دے رہے ہیں۔