نئی دہلی: ملک کے سب سے امیر کاروباری مکیش امبانی کی کمپنی ریلائنس انڈسٹریز لمیٹڈ( آر آئی ایل)نے بدھ کو ایک بار پھر نئی تاریخ رقم کی ہے۔ریلائنس انڈسٹریز دنیا کی سب سے بڑی6 تیل پیدا کرنے والی کمپنیوں کے کلب میں شامل ہو گئی ہے۔ساتھ ہی کمپنی نے 9.50 لاکھ کروڑ روپے کے مارکیٹ کیپٹل کے اعداد و شمار کو پار کیا ہے ۔
برٹین کی بی پی پی ایل سی کو پچھاڑا
مکیش امبانی کی کمپنی نے برطانیہ کی بی پی پی ایل سی کو پچھاڑتے ہوئے یہ کامیابی حاصل کی ہے۔بی پی پی ایل سی کا مارکیٹ کیپ 13200 کروڑ ڈالر یعنی 9.45 لاکھ کروڑ روپے کے قریب ہے۔بتا دیں کہ اسی سال ریلائنس انڈسٹریز لمیٹڈ نے برطانیہ کی بی پی پی ایل سی کے ساتھ معاہدہ کر لیا ہے۔ ریلائنس انڈسٹریز سے آگے اب چین کی پیٹروچانا، سعودی کی ارامکو اورا یکسان موبل کارجیسی ٹاپ توانائی کمپنیاں ہیں۔
مارکیٹ کیپ 10 لاکھ کروڑ کے قریب
بدھ کوابتدائی کاروبار میں ریلائنس انڈسٹریز کا شیئر 4.10 فیصد کی برتری کے ساتھ 1,571.85 روپے تک پہنچ گیا۔شیئر میںمیں زوردار تیزی کے درمیان کمپنی مارکیٹ کیپٹل بڑھ کر 9,90,366.80 کروڑ روپے تک پہنچ گیا۔اس سے پہلے منگل کو ریلائنس انڈسٹریز نے 9.50 لاکھ کروڑ روپے کے مارکیٹ کیپ کے مقام کو حاصل کیا۔بھارت میں یہ پہلی بار ہے جب کسی لسٹیڈ کمپنی کا 9 لاکھ کروڑ یا اس سے زیادہ کا مارکیٹ کیپ ہے۔