نیشنل ڈیسک : ماں کا دل ماں کا ہی ہوتا ہے ۔ بچوں پر جب کوئی بھی آنچ آتی ہے تو سب سے زیادہ ماں کا ہی دل روتا اور تڑپتا ہے ۔ سوشل میڈیا پر ایک ایسا ہی ویڈیو وائرل ہورہا ہے جسے دیکھ کر کسی کا بھی دل پسیج سکتا ہے ۔ دراصل ایک ملبے کے نیچے کتیا کے پلے دب گئے تھے ۔ کتیا ان بچوں کو بچانے کی کوشش کررہی تھی لیکن بڑے پتھروں کے ملبے میں دبے ہونے کی وجہ سے اپنے بچوں تک نہیں پہنچ پا رہی تھی ۔ اس پر وہ ملبے کے پاس بیٹھ کر ہی رونے لگی ۔  بھاری بارش کی وجہ سے بلڈنگ گر گئی تھی ۔ جس میں اس کتیا کے پلے بھی دب گئے تھے ۔ کتے کو اس طرح روتے دیکھ لوگوں سے رہا نہیں گیا اور انہوں نے اس کی اطلا ع جانوروں سے متعلقہ ٹیم کو دی ۔ 

ایسے میں راحتی ٹیم وہاں پہنچ جاتی ہے ۔ ٹیم کا ایک ممبر جلدی سے پتھر ہٹاتا ہے اور کتیا بھی بچوں کے باہر نکالنے کے لئے پیروں سے زمین کھودنے لگتی ہے ۔ راحتی ٹیم کا شخص کتے کو پیچھے ہٹاتا ہے اور پھر سے پتھر ہٹانے لگتا ہے ۔ بھاری پتھروں اور ملٹی کو ہٹانے کے بعد شخص آخر بچوں کو باہر نکال لیتا اور ان کو جانچ کیلئے لے جاتا ہے ۔ 

کتیا شخص کے پیچھے پیچھے ہی رہتی ہے ۔ جانچ کے بعد راحتی ٹیم کا ممبر انہیں ایک محفوظ مقام پر کپڑا بچھا کر وہاں رکھ دیتا ہے اور کتیا کو بھی وہاں بیٹھاتے ہیں ۔ کتیا بھی اپنے پلوں کو خود سے لپٹا لیتی ہے اور پلوں کو دودھ پلانے لگتی ہے ۔ اس ویڈیو کو یوٹیوب پر شیئر کیا جارہا ہے ۔ جسے لوگ خوب پسند کرررہے ہیں ۔