نئی دہلی : نربھیا اجتماعی عصمت دری  معاملے کو لے کر بھارتیہ جنتا پارٹی (بی جے پی)کے صوبائی صدر منوج تیواری نے کیجریوال حکومت پر نشانہ لگایا۔منوج تیواری نے کہا کہ دو سالوں تک گنہگاروں کو سزا کے بارے میں بتانا تھا، پھر دہلی سرکار نے کیوں نہیں بتایا۔ یہ معاملہ جیل محکمہ کا  ہے اور جیل محکمہ دہلی حکومت کے پاس ہے.۔عام آدمی پارٹی کی حکومت ایسا کرتی ہے، اوپر سے دہلی کے نائب وزیر اعلیٰ کہتے ہیں کہ ہمارے پاس دہلی پولیس ہوتی تو سزا دلا دیتے۔

 منوج تیواری نے کہا کہ  اب تو واضح ہو چکا ہے جو کام کیجریوال حکومت کا تھا، انہوں نے نہیں کیا۔ کیجریوال حکومت نے جان بوجھ کر گنہگاروں کو بچانے کی کوشش کی۔یہ سوال سیاست کا نہیں، بلکہ اس سے بڑھ کر یہ  ہے کہ آپ بلاتکاری کو بھی بچانے کی کوشش کرتے ہیں۔
وہیں نربھیا کے قصورواروں کی پھانسی میں بار بار ہو رہی تاخیر پر نربھیا کی ماں نے ہفتہ کو عام  آدمی پارٹی ( آپ)اور بھارتیہ جنتا پارٹی پر انتہائی ناراضگی ظاہر کی ہے۔ انہوں نے 'آپ 'اور بی جے پی کا نام لئے بغیر نربھیا کی ماں نے روتے ہوئے  کہا کہ جب 2012 میں ان کی بیٹی کے  ساتھ درندوں نمے یہ وحشیانہ  حرکت کی تھی  اس وقت ان دونوں جماعتوں کے لوگوں نے سر پر کالی پٹی باندھی اور ہاتھ میں ترنگا لے کر مظاہرہ کیا تھا۔

دہلی کے نائب وزیر اعلیٰ اور آپ لیڈر منیش سسودیا نے کہا تھا کہ دہلی پولیس حکومت کو دو دن کے لئے دے دی جائے، نربھیا کے قصورواروں کو ہم پھانسی چڑھوا دیں گے۔اس سے پہلے مرکزی وزیر اور بی جے پی لیڈر پرکاش جاوڈیکر نے کہا تھا کہ نربھیا کے قصورواروں کو پھانسی میں تاخیر کے پیچھے  'آپ' حکومت کی لاپرواہی ہے۔دونوں جماعتوں کی طرف سے پھانسی میں ہونے والی تاخیر کو لے کر یہی بیان دئیے جا رہے ہیں۔