چندی گڑھ: وزیراعلیٰ منوہر لال کھٹر دوسری بار ہریانہ کے وزیر اعلیٰ بنیں گے۔ انہیں آج یہاں بھارتیہ جنتا پارٹی (بی جے پی) قانون ساز پارٹی کا متفقہ طور پر لیڈر منتخب کر لیا گیا۔پارٹی کے 40 نو منتخب اراکین اسمبلی کی یہاں یونین گیسٹ ہاس میں تقریباً 11.30 بجے میٹنگ ہوئی۔ میٹنگ میں مرکزی وزیر روی شنکر پرساد اور پارٹی کے قومی جنرل سیکرٹری ارون سنگھ بطور مرکزی مشاہد اور ریاستی معاملات کے انچارج انل جین بھی موجود تھے۔ تقریباً دس منٹ تک جاری رہنے والی اس میٹنگ میں پارٹی اراکین کے لیڈر کے عہدہ کے لئے مسٹر کھٹر کے نام کی تجویز پیش کی گئی جسے سب نے متفقہ طور پر رضامندی کا اظہار کیا۔

 مسٹر کھٹر کو پارٹی اراکین کا لیڈر منتخب ہوتے ہی انہیں مٹھائیاں کھلا کر اور مالا پہناکر مبارکباد دینے کے لیے پارٹی کے سینئر رہنماں کا تانتا لگ گیا۔مسٹر کھٹر نے اس موقع پر میڈیا سے خطاب کرتے ہوئے کہا کہ انہوں نے گزشتہ پانچ سال صاف ستھری حکومت کی ہے اور آگے وہ جے جے پی اور دیگر ممبران اسمبلی کو ساتھ لے کر صاف ستھری حکومت دینے کا وعدہ کرتے ہیں۔ انہوں نے انہیں پارٹی اراکین کا لیڈر منتخب ہونے کے لئے پارٹی کے سینئر رہنماں اور ممبران اسمبلی کاشکریہ ادا کیا۔