مندسور: مدھیہ پردیش کے مندسور ضلع میں این آر سی اور سی اے اے کی مخالفت میں نیلم شاہ درگاہ کے قریب دھرنا جاری ہے۔ 26 ویں دن ھرنے کے مقام پر سینئر کامریڈ، بھارتی  مہلا فیڈریشن کی ریاستی سیکرٹری، مشہور مصنف سنگھ اور بھارتی جنناٹیہ یونین کی سینئر عہدیدار سٹارلنگ شریواستو اور ترقی پسند مصنف یونین کے سینئر رکن ہرنام سنگھ کی ٹیم کے ساتھ آئے۔  انہوں نے  این  آر سی  اور سی اے اے کی مخالفت کی۔
وہیں ساریکا شریواستو نے کہا کہ جمہوریت  کو بچانے کی یہ لڑائی کسی ایک مذہب یا کسی ایک شخص کی نہیں ہے۔ ہم ہندوستانی کو حب الوطنی کا ثبوت دینے کی ضرورت نہیں ہے۔ جس نے اس ملک کی مٹی میں جنم لیا اور اس ملک میں رہ رہے ہیں وہ سب کے سب ہندوستانی ہیں۔ انہوں نے کہا کہ جمہوریت پر اور اس ملک  کو تباہ کرنے کے لئے پہلے بھی کئی بار کوشش  کی گئی   ہے۔تب بھی اس طرح سے باہر نکل کر اس کی مخالفت کرنی چاہئے تھی ۔
ساریکا شریواستو نے کہا کہ اب بھی وقت ہے ملک مخالف اور گنگا جمنی اتحاد کو بگاڑنے  والی کوششوں کو ہم سب کو مل کر کامیاب نہیں ہونے دینا چاہئے۔ ساتھ ہی انہوں نے کہا کہ آئین کے بنیادی اصولوں کے خلاف یہ جو قانون بنایا ہے اس کی  ہم مخالفت کرتے ہیں۔ ہرنام سنگھ نے کہا کہ جو لوگ ملک کے بھائی چارے کو توڑنا چاہتے ہیں ان کی مخالفت کرنا صحیح ہے۔ نئے نئے قوانین کے سہارے حکومتوں کو اس بھائی چارے کی تہذیب کو نہیں بگاڑنا چاہئے۔ دھرنے پر قاضی شہر مندسور آصف اللہ بھی موجود تھے۔
وہیں دلودا کی جامع مسجد کے باہر سی اے اے اور این آر سی  کے خلاف چل رہے دھرنے کے 10 ویں دن بھیم سینا، بہوجن سماج، موگیا سماج اور بھیل ستھار کمیٹی کے نمائندوں نے حمایت دی۔ بھیم سینا کے ریاستی نائب صدر جیوتی پرساد بڑوانی، ڈویژن انچارج تیج پال سولنکی، ضلع بھیم سینا کے بانی صدر ڈاکٹر کیلاش گرگ سمیت دیگر موجود تھے۔