نیشنل ڈیسک : مغری بنگال کی وزیر اعلیٰ ممتا بنر جی نے ملک کی معیشت کو لے کر بھاجپا کی قیادت والی مرکزی حکومت کی این ڈی اے (نیشنل ڈیمو کریٹک الائنس) پر نشانہ سادھا ۔ انہوں نے جمعرات کے روز کہا کہ ،' بانٹوں اور راج کرو' کی پالیسی ملک کیلئے ٹھیک نہیں ہوگی جو فی الحال اقتصادی مندی کے دور سے گزر رہا ہے ۔
ترنمول سربراہ نے ایک تقریب میں کہا کہ ہندو مسلم کے مدعوں کو اٹھانے کی بجائے یہ وقت ملک میں اقتصادی بحران کو ختم کرنے کا ہے ۔ انہوں نے کہا کہ بے روزگاری اور غریبی آسمان چھو رہی ہے ۔ اس وقت مجھے نہیں لگتا کہ ہندو - مسلم کے مدعے کو اٹھانے سے کوئی مثبت نتیجہ نکلے گا ۔ وزیر اعلیٰ نے لوگوں سے امن اور خوشحالی کیلئے مل کر کام کرنے کی گذارش کی ۔