نئی دہلی : مہاراشٹر میں شو سینا ، این سی پی اور کانگرس کی متحد حکومت میں آج محض ایک مہینے بعد ہی شو سینا کوٹے سے وزیر بنے عبدالستار نے عہدے سے استعفیٰ دے دیا ہے ۔ ابھی 30 دسمبر کو ہی مہاراشٹر کابینہ میں توسیع ہوئی تھی ۔ ذرائع کے مطابق وزیر بنائے جانے کو لے کر ہی سیاست سے ناراض تھے ۔
2019 میں کانگرس کا دامن چھوڑ شو سینا میں ہوئے تھے شامل
فی الحال وزیر اعلیٰ ادھو ٹھاکرے نے عبدالستار کو منانے کیلئے سینئر شو سینا لیڈر کو بھیجا ہے ۔ کانگرس پارٹی کے ساتھ سابق وزیر رہ چکے عبدالستار نے سال 2019 میں کانگرس کا دامن چھوڑ شو سینا میں شامل ہوئے اور اورنگ آباد ضلع کے سلود اسمبلی سیٹ سے جیت حاصل کی تھی ۔
یہ تھی ناراضگی کی وجہ
عبدالستار کے وزیر کے عہدے کے حلف لینے کے بعد سے سوشل میڈیا میں شو سینا کے اہم اخبار سامنا کا ایک آرٹیکل تیزی سے وائرل ہونے لگا ۔ جس کو لے کر ستار کافی ناراض تھے ۔ دراصل اس آرٹیکل میں عبدالستار کو انڈر ورلڈ ڈان داؤد ابراہیم کا قریبی بتایا گیا تھا ۔