نئی دہلی : 'سوچھ بھارت ابھیان' کی شروعات کرنے والے وزیر اعظم نریندر مودی نے سنیچر کے روز خود اس میں تعاون دیا ۔ مودی نے مہابلی پورم کے ساحل پر سوچھتا ابھیان چلایا اور لوگوں کو صاف - صفائی کے تئیں بیدار رہنے کا پیغام دیا ۔
اس دوران ماملپورم دورے کے دوران مودی نے وہاں کے ایک بیچ کی صاف - صفائی کی ۔ وزیر اعظم نے خود اس کا ویڈیو ٹویٹ کیا اور جانکاری دی ۔ ویڈیو میں مودی بیچ پر پھیلا کچرا اٹھاکر اکٹھا کرتے دکھائی دے رہے ہیں ۔ وزیر اعظم مودی نے کہا کہ صاف صفائی سے ہی ہم لوگ صحت مند اور تندرست رہ سکیں گے ۔
ویڈیو کے ساتھ مودی نے لکھا ، آج صبح ماملپورم کے ایک ساحل پر قریب 30 منٹ تک پلاگنگ (جاگنگ کے ساتھ صاف - صفائی ) کی ۔ ہم سبھی کو یہ یقینی کرنا چاہئے کہ ہمارے عام مقامات صاف ستھرے رہیں ۔ ساتھ ہی ہمیں یہ بھی یقینی بنانا چاہئے کہ ہم تندرست اور صحت مند رہیں ۔