بھوپال: اتر پردیش میں لو جہاد کے نفاذ کے بعد اب  مدھیہ پردیش حکومت بھی حرکت میں آگئی ہے۔ مدھیہ پردیش کے وزیر داخلہ نروتم مشرا نے  لو جہاد پر تبادلہ خیال کے لئے افسران کی ایک میٹنگ طلب کی ہے۔  یہ میٹنگ وزارت میں  بدھ کے روز صبح گیارہ بجے شروع ہوئی ۔ میٹنگ میں نئے انڈیپنڈنٹ ایکٹ 2020 کے مسودے پر تفصیلی تبادلہ خیال کیا جائے گا۔

اس کے بعد ، مجوزہ بل کا مسودہ ریاستی حکومت کی سینئر ممبر سیکرٹری کمیٹی کو بھیجا جائے گا۔  بتادیں کہ گورنر آنندی  بین پٹیل نے اسمبلی کا سرمائی اجلاس 28 دسمبر سے شروع کرنے کی منظوری دے دی ہے۔  ایسے میں  ، حکومت جلد از جلد اس بل کی تمام تکنیکی اور قانونی رسموں کو  پوراکرنا چاہتی ہے۔ کمیٹی کی منظوری کے بعد مجوزہ بل وزیر اعلیٰ آفس کو بھیجا جائے گا۔

بتادیں کہ  اتر پردیش کی کابینہ نے نام نہاد لو جہاد  کے  واقعات کی روک تھام کے لئے ایک آرڈیننس کو  منگل کے روز منظوری دی  ہے ۔ اس کے تحت شادی کے لئے  ، دھوکہ دہی ، لالچ یا جبری تبدیلی  مذہب کے جرم میں زیادہ سے زیادہ 10 سال قید اور جرمانے کا التزام ہے ۔