لاہور: پاکستان کے پنجاب صوبہ کی حکومت نے لاہور میں واقع تاریخی وزیر خان مسجد میں پاکستانی اداکارہ صبا قمر کو میوزک ویڈیو شوٹ کرنے کی اجازت دینے والے دو حکام کو معطل کر دیا ہے۔ وہیں، مسجد کے تقدس کو پامال کرنے کے الزام میں صبا قمر اور گلوکار بلال سعید کے خلاف بھی ایف آئی آر درج کرنے کے لئے عرضی دی گئی ہے۔ اداکارہ صبا قمر بالی وڈ فلم ہندی میڈیم میں بھی نظر آئی تھیں۔ صبا قمر کو سوشل میڈیا پر جان سے مارنے کی دھمکی بھی دی جا رہی ہے۔
پنجاب کے اوقاف اور مذہبی معاملوں کے وزیر سعید حسن شاہ نے اتوار کو نامہ نگاروں سے کہا ہم نے اوقاف محکمہ کے دو افسران کو معطل کر دیا ہے۔ انہیں مبینہ طور پر وزیر خان مسجد میں ویڈیو بنانے کے لئے معطل کیا گیا ہے۔ معاملے کی جانچ شروع کر دی گئی ہے اور قصورواروں کو سزا دی جائے گی۔
انہوں نے کہا کہ مسجد کے تقدس کو پامال کرنے کا اختیار کسی کو نہیں ہے۔ سخت تنقید اور سوشل میڈیا پر جان سے مارنے کی دھمکی ملنے کے بعد اداکارہ صبا قمر نے معافی مانگی ہے۔ صبا قمر کو بالی ووڈ فلموں میں کام کرنے کے لئے بھی تعریف مل چکی ہے۔
لاہور میں ہوا احتجاج
سعید کا دعویٰ ہے کہ انہوں نے کوئی ڈانس مسجد کے اندر نہیں کیا تھا۔ اس ویڈیو کے آنے کے بعد پاکستانی سوشل میڈیا میں صبا قمر کی جم کر تنقید ہوئی اور وہ ٹاپ ٹرینڈ ہو گئی تھیں۔ ان کے ڈانس کا ویڈیو بھی وائرل ہو گیا تھا۔ دونوں ہی پاکستان سٹارز نے اس واقعہ کے لئے معافی مانگی ہے۔ اس ویڈیو کے سامنے آنے کے بعد لاہور میں زبردست احتجاجی مظاہرہ ہوا تھا۔