لندن: برطانیہ کے دارالحکومت لندن میں ہندوستانی ہائی کمیشن کے قریب تقریبا 2000 مظاہرین خالصتان کے جھنڈے لہرا تے ہوئے بدھ کے روز ایک منصوبہ بند مظاہرے کے لیے جمع ہوئے اور سخت سکیورٹی اور رکاوٹیں لگی ہونے کے درمیان کچھ چیزیں پھینکیں اورنعرے لگا ئے ۔ ہندوستانی ہائی کمیشن نے اپنی عمارت کی چھت پر ایک اضافی ترنگا لہرا کر مظاہرین کو دیا، جس سے مظاہرین مزید مشتعل ہوگئے اور انہوں نے پولیس افسران اور میڈیا اہلکاروں پر کچھ چیزیں اور پانی کی بوتلیں پھینکیں۔ اس پر 'اسکاٹ لینڈ یارڈ' نے ہندوستانی ہائی کمیشن کے باہر ناکہ بندی بڑھا دی اور فوری طور پر کئی اضافی افسران کو تعینات کر دیا، جن میں سے اکثر گھوڑوں پر سوار تھے۔
بدھ کو پولیس نے مظاہرین کو روکنے کے لیے سکیورٹی کے مزید سخت انتظامات کیے تھے۔ برطانیہ کے مختلف حصوں سے پگڑی دھاری مرد اور کچھ خواتین اور بچے سمیت مظاہرین کو بس میں لایا گیا اور خالصتان کے حق میں نعرے لگائے۔ مظاہرین نے ہندوستان مخالف تقاریر کرنے اور انسانی حقوق کی مبینہ خلاف ورزیوں کے لئے پنجاب پولیس کو کا نشانہ بنانے کے لئے مائیک کا استعمال کیا ۔
انڈیا ہاؤس کے باہر اتوار کے پرتشدد مظاہرے سے قبل فیڈریشن آف سکھ آرگنائزیشنز (FSO) اور سکھ یوتھ جماعت بندیا جیسے گروپوں کے نام نہاد "قومی مظاہروں" کا مطالبہ کرنے والے بینرز سوشل میڈیا پر گردش کر رہے ہیں۔ حکومت ہند نے اپنے سفارتی مشن کے باہر حفاظتی انتظامات نہ ہونے پر شدید احتجاج کیا تھا۔ احتجاج کے دوران خالصتان کے حامی جھنڈے لہرائے گئے اور مشن کی کھڑکیوں کے شیشے توڑ دیے گئے اور ترنگا اتارنے کی کوشش کی گئی۔