نئی دہلی:دہلی اسمبلی کی تمام 70 سیٹوں کے رجحانات کے مطابق عام آدمی پارٹی(آپ) ایک بار پھر بڑی جیت کی طرف بڑھ رہی ہے۔ وہیں انتخابی نتائج سے الگ آج کا دن کیجریوال کے لئے انتہائی خاص ہے۔ دراصل آج کیجریوال کی بیوی سنیتا کا یومِ پیدئش  بھی ہے۔کیجریوال آج اپنی بیوی کو ان کی سالگرہ پر جیت کا تحفہ دینے جا رہے ہیں۔
بیوی سنیتا نے اس بار وزیر اعلیٰ شوہر کے لئے خوب زور شور سے انتخابی مہم میں حصہ لیا تھا ۔ یہاں تک کہ کجریوال کے دونوں بچے بھی اس بار انتخابی تشہیر میں لگے رہے۔ 

دلچسپ ہے محبت کی کہانی
سیاست سے ہٹ کر بات کرے تو دہلی کے وزیر اعلیٰ اروند کیجریوال کی دنیا اور اپنے مخالفت کے درمیان میں بھلے ہی کیسی بھی تصویر ہو لیکن ان کی بیوی کی نظروں میں وہ ہیرو ہیں۔ سنیتا اورکیجریوال کی محبت کی کہانی بڑی دلچسپ ہے۔ان کو اپنی محبت کا اظہار کرنے میں  کئی ماہ لگ گئے تھے۔ دہلی وزیر اعلیٰ نے بیوی سنیتا سے لو  میرج کی تھی۔

پرپوزکرنے میں لگائے مہینوں 
سنیتا کا خواب تھا کہ ان کا ہونے والا شوہر ایماندار ہونے کے ساتھ ہی ملک کی خدمت کو ترجیح دینے والا ہو۔ انڈین ریونیو سروس کا امتحان پاس کرنے کے بعد کیجریوال اور سنیتا ناگپور میں واقع نیشنل اکیڈمی آف ایڈمنسٹریشن میں پہلی بار ملے۔آہستہ آہستہ دونوں کی نزدیکیاں بڑھتی گئیں اور پکی دوستی ہو گئی۔ ان کی دوستی محبت میں بدل گئی لیکن دونوں نے ہی ایک دوسرے کو پرپوز نہیں کیا۔ محبت کا اظہار کرنے میں کیجریوال کو قریب 4 ماہ لگ گئے۔ اس کے بعد دونوں نے ایک ساتھ زندگی گزارنے کا فیصلہ لیا۔

وزیر اعلیٰ بننے تک کے سفر میں سنیتا کا بڑا ہاتھ 
 کیجریوال خود کئی بار کہہ چکے ہیں کہ ان کا وزیر اعلیٰ تک کا سفر آسان نہیں تھا۔ ان کی زندگی میں ہر کامیابی کے پیچھے بیوی سنیتا کا ہاتھ ہے۔ چاہے انا ہزارے کے ساتھ بھوک ہڑتال دھرنا ہو یا پھر اپنی ہی پارٹی کے رہنماؤں کی طرف سے لگائے  گئے  الزامات۔ ہر طرف  سے گھرے کیجریوال کو سنیتا نے کافی سپورٹ کیا ہے