دبئی / اسلام آباد : کشمیر مدعے پر عالمی سطح پر پٹخنی کھا چکا پاکستان مسلسل مسلم ممالک سے حمایت حاصل کرنے کی کوشش رہا ہے لیکن وہ ناکام رہا ہے ۔ پوکستان کو اب یو اے ای (متحدہ عرب امارات ) نے بھی جھٹکا دے دیا ہے ۔  یو اے ای نے پاکستان کو اس کی ہی سر زمین پر پھٹکار لگاتے ہوئے کہا کہ وہ کشمیر کو مسلمانوں کا مدعا نہ بنائیں، اس مدعے پر مسلم دنیا کو نہ گھسیٹیں تو اس کیلئے بہتر ہے ۔ یو اے ای کے وزیر خارجہ شیخ عبداللہ بن زائید بن سلطان النہیان  نے پاکستان کو واضح کہہ دیا کہ کشمیر ہندوستان - پاکستان کا دو طرفہ مسئلہ ہے ۔ 

انہوں نے زور دیتے ہوئے کہا کہ اس میں مسلم دنیا یا مسلمانوں کو بیچ میں گھسیٹا جائے ۔ یو اے ی کے وزیر خارجہ نے کہا کہ کشمیر تنازعہ ہندوستان - پاکستان  کو بات چیت کے ذریعے حل کرنا چاہئے ۔ وہیں پاکستان نے اپنے قبضے والے کشمیر ( پی او کے ) میں ایل او سی (لائن آف کنٹرول) کے 30 کلو میٹر اندر جگہ پر لگ بھگ 2 ہزار فوجیوں کو تعینات کیا ہے ۔ 

ہندوستانی فوجی ذرائع  کے مطابق پی او کے میں جوانوں کو باغ اور کوٹلی سیکٹر میں رکھا گیا ہے ۔ وہیں پی او کے میں ہو رہی بڑی ہلچل سے ہندوستانی سکیورٹی ایجنسیاں الرٹ ہیں ۔ فوج کے ایک سینئر افسر نے کہا کہ جوانوں کو تعینات کرنے سے متعلق یہ سرگرمی ہندوستان کے ساتھ بڑی کشیدگی کے مد نظر پاکستان کا ایک دفاعی قدم ہو سکتا ہے ۔