نئی دہلی: شہریت ترمیمی قانون ( سی اے اے ) اور قومی شہری رجسٹر ( این آر سی )کے خلاف کالندی کنج روڈ پر ایک ماہ سے زیادہ وقت سے مظاہرین دن رات سڑک پر مظاہرہ کر رہے ہیں۔اس راستے کو بند کرنے کی وجہ سے متھرا روڈ کے ساتھ ساتھ دیگر راستوں پر دن بھر طویل جام لگا رہتا ہے، جس سے لوگوں کو خاصی پریشانی کا سامنا کرنا پڑ رہا ہے۔مریضوں کو گھنٹوں-گھنٹوں جام میں پھنسنا پڑ رہا ہے تو وہیں بارات بھی  بروقت شادی کی تقریب میں شامل نہیں ہو پا رہی ہے۔بیرونی-شمالی دہلی، گڑگاؤں اور فرید آباد کے لوگوں کی مغربی اتر پردیش  رشتے داریاں ہیں۔ایسے میں لوگوں کو وہاں تک جانے میں بھی مشکلات کا سامنا کرنا پڑ رہا ہے۔

کالندی کنج-نوئیڈا روڈ بند ہونے سے بیرونی دہلی کے لوگوں کو دادری جانے کے لئے اوکھلا، لاجپت نگر اور سرائے سیاہ خاں ہوتے ہوئے غازی آباد کا روٹ پکڑنا  پڑتا ہے،وہیں کئی لوگوں نے اپنے مسائل کے بارے میں بتایا کہ انہیں آئی آئی ٹی سے غازی آباد کا روٹ بھی پکڑنا پڑتا ہے، جو الٹا ہے۔یہ براہ راست راستہ نہیں ہے۔اس روٹ میں 2 سے 3 گھنٹے زیادہ لگ رہے ہیں۔
ہسپتال پہنچنے میں لگ رہا 1 گھنٹے سے زیادہ کا وقت 
ایک خاتون نے بتایا کہ ان کے شوہر کو کینسر ہے اور علاج اپولو ہسپتال دہلی میں چل رہا ہے۔ 14 جنوری کی صبح اچانک ان کے شوہر کی طبیعت بگڑ گئی، جب وہ لوگ اوکھلا پکشی وہار پہنچے تو پتہ چلا کہ کالندی کنج راستہ بند ہے۔ہم نے جلدی سے ڈی این ڈی  کا راستہ پکڑا۔خاتون نے بتایا کہ جہاں ہسپتال پہنچنے میں صرف 20 منٹ لگنے تھے وہیں ان کو ایک گھنٹے سے زیادہ کا وقت لگا۔

نہیں مان رہے مظاہرین
 شاہین باغ میں مظاہرہ کر رہے لوگوں کوکالندی  کنج راستے سے ہٹانے کے لئے مقامی لوگوں اور وزارت داخلہ اور پولیس کے اعلیٰ حکام کے ساتھ ہفتہ کو یہاں دیر رات تک میٹنگ ہوئی لیکن بات چیت فی الحال کسی نتیجے پر نہیں پہنچی۔پولیس کے سرکاری ذرائع اور مظاہرین کے ایک آپریٹر نے بتایا کہ تقریباً 150  مقامی لوگوں اور وزارت داخلہ کے ایک جوائنٹ کمشنر، خصوصی پولیس کمشنر اور جنوب مشرقی ضلع کے پولیس ڈپٹی کمشنر چنمے وشوال کے ساتھ تقریباً ڈیڑھ گھنٹے تک میٹنگ ہوئی۔یہ میٹنگ  شاہین باغ تھانے میں ہوئی جو قریب 10 بجے رات کو بغیر کسی نتیجہ کے ختم ہوئی۔اس دوران کالندی کنج کے ایک طرف کے راستے کو کھولنے کے لئے زور دیا گیا لیکن مظاہرین نہیں مانے۔  بتا دیں کہ عوام کی پریشانیوں کو دیکھتے ہوئے دہلی ہائی کورٹ نے شاہین باغ کالندی کنج روڈ پولیس کو جلد سے جلد راستہ کھلوانے کو کہا ہے۔