نئی دہلی : چیف جسٹس رنجن گوگوئی نے جمعہ کو مرکزی حکومت کو ایک خط بھیج کر سپریم کورٹ میں اپنے بعد چیف جسٹس کے عہدے  پر جسٹس ایس اے بوبڈے کو بیٹھانے کی سفارش کی ہے ۔ سرکاری ذرائع نے بتایا کہ سی جے آئی گوگوئی نے وزارت قانون اور انصاف  کو خط لکھ کر جسٹس بوبڈے کو اگلا چیف جسٹس بنانے کی سفارش کی ہے ۔ 

چیف جسٹس گوگوئی نے تین اکتوبر 2018 کو ملک کے 46 ویں  چیف جسٹس کے طور پر حلف اٹھایا تھا ۔ وہ 17 نومبر کو ریٹائر ہوں گے ۔ سرکاری ذرائع نے بتایا کہ چیف جسٹس نے روایت کے مطابق اپنے جانشین کے  طور پر اپنے بعد اگلے چیف جسٹس کے نام کی سفارش کی ہے ۔