رانچی : جھارکھنڈ اسمبلی انتخابات میں الیکشن کمیشن نے پیر کے روز دیر رات تک 81 سیٹوں کے نتائج اعلان کردئیے اور صوبہ میں جھارکھنڈ مکتی مورچہ (جے ایم ایم ) کی قیادت میں بنی جے ایم ایم - کانگرس اور آر جے ڈی  اتحاد  نے 47 سیٹوں پر فتح حاصل کر واضح اکثریت حاصل کرلی ہے ۔ جے ایم ایم لیڈر ہیمنت سورین نے 27 دسمبر کو مورہابادی میدان میں نئی حکومت کی حلف برداری تقریب کا اعلان کیا ہے ۔ 

اقتدار میں قابض بھاجپا کے وزیر اعلیٰ رگھوور داس اور پارٹی کے صوبائی صدر لکشمن گلُوا کو انتخابات میں شکست کا سامنا کرنا پڑا اور بھاجپا کو صرف 25 سیٹیں حاصل ہوئیں ۔ ان انتخابات میں جے ایم ایم نے ریکارڈ 30 سیٹیں جیتیں ، جس سے وہ اسمبلی میں سب سے بڑی جماعت بھی بن گئی جبکہ صرف 25 سیٹوں پر فتح کا پرچم لہرانے والی بھاجپا کا اسمبلی میں سب سے بڑی جماعت بننے کا خواب کو چکنا چور ہو گیا ۔