نیشنل ڈیسک: ہندوستانی فوج کی ناردرن کمانڈ نے جموں و کشمیر میں کورونا جنگجوئو ں کو سنمانت کیا۔ فوج کے مطابق ، اسپتال میں کوروناوائرس کے لئے ایک لاکھ سے زیادہ نمونوں   کی کوویڈ 19 سے متعلق جانچ ہو چکی ہے ۔
ہندوستانی آرمی اسپتال نے جموں وکشمیر کے 5 اضلاع کے رہائشیوں کے لئے 35000 ٹیسٹوں سمیت ایک لاکھ کوویڈ 19 ٹیسٹ کروانے میں کامیابی حاصل کر لی ہے ۔ بتادیں کہ پیر کو جموں و کشمیر میں کورونا وائرس  انفیکشن کے 351 نئے کیسز کی آمد کے بعد متاثرہ افراد کی مجموعی تعداد 106899 ہوگئی ہے۔
اس دوران ، جموں و کشمیر سے مجموعی طور پر 12 افراد لقمہ اجل بن چکے ہیں ، ان میں سے 7 جموں سے اور 5 کشمیر سے ہلاک ہوئے ہیں۔ یہاں 608 مریض انفیکشن سے فری ہوچکے ہیں جن میں سے 214 مریض جموں سے اور 394 کشمیر سے  شامل ہیں۔ رپورٹ کے مطابق ، 23 نومبر تک ، 2831855 کورونا  معاملوں کی جانچ ہو چکی ہے جن میں 2724956 تحقیقات منفی رہی ہیں۔ اب تک 767082 مریضوں کوزیر نگرانی میں رکھا  گیا  ہے جن میں 19512 مریض گھر پر ہی قید  ہیں ، جن میں سے 5431 تنہائی میں ہیں جبکہ 45989 مریضوں کو گھریلو نگرانی میں رکھا گیا ہے۔