نئی دہلی :نئی دہلی میں پیر کو یورپین پارلیمنٹ کے ارکان نے وزیر اعظم نریندر مودی اور قومی سلامتی کے مشیر (این ایس اے)اجیت ڈوبھال سے ملاقات کی ۔جموں کشمیر سے دفعہ 370 ہٹائے جانے کے بعد اور ریاست کو  دو مرکز کے زیر انتظام  ریاستوں میں تقسیم کرنے کے بعد  کسی غیر ملکی وفدکا یہ جموں کشمیر کا پہلا دورہ ہے۔

اس وفد سے بات چیت کے دورا ن وزیر اعظم مودی نے کہا کہ   دہشت گردی کو فروغ دینے والوں اور دہشت گردانہ سرگرمیوں میں انکی تعاون کرنے والوں کے خلاف فی الفور سخت اقدامات کرنے کی ضرورت ہے۔پاکستان کا نام لئے بغیر اس پر نشانہ سادھتے ہوئے انہوںنے کہا کہ  دہشت گردی کو ایک پالیسی کے طور پر استعمال کرنے والوں کے خلاف  کارروائی ہونی چاہئے  ۔ 

وزیر اعظم مودی نے کہا کہ  دہشت گردی کو قطعاً برداشت نہیں کیا جانا چاہئے۔وزیر اعظم دفتر کے مطابق  مودی  یورپین  اراکین پارلیمنٹ  کے ساتھ علاقائی اور عالمی  مسائل پر با معنی بات چیت پر زور دیتے ہوئے  دہشت گردی کا مقابلہ  کرنے کے لئے  عالمی سطح پر جامع  تعاون کی درخواست کی ۔وزیر اعظم مودی نے   وفد کا خیر مقدم کرتے ہوئے  اس بات کی امید ظاہر کی کہ  جموں کشمیر سمیت ملک کے  مختلف حصوں میںانکا  سفر کامیاب اور با معنی  رہے۔

جموں کشمیر کے دورے سے  وفد کو  لداخ سمیت   پورے علاقے  کی مذہبی اور ثقافتی   تنوع کے بارے میں  معلومات حاصل ہوگی اور اس بارے میں ان کی علم میں اضافہ ہوگا۔ساتھ وفد کو علاقے میں ترقی اور گورنینس کے بار صحیح تصاویر دیکھنے کو ملے گی ۔