اسپورٹس ڈیسک :ہندوستانی کرکٹر رویندر جڈیجہ کی اہلیہ  ریوابانے گجرات کے راجکورٹ میں پولیس کانسٹیبل کے ساتھ بحث کی ، جس نے ان  سے ماسک نہیں پہننے کی وجہ پوچھی تھی ۔پولیس نے منگل کے روز یہ جانکاری دی ہے ۔پیر کی رات واقعہ کے وقت یہ کرکٹر گاڑی چلا رہا تھا ۔

سینئر پولیس افسر نے بتایا کہ جڈیجہ نے ماسک  پہن رکھا تھا ، لیکن ریوابا نے   نہیں۔پولیس ڈپٹی سپرنٹنڈنٹ ( ڈی ایس پی )  منوہر نے بتایا کہ  کرکٹر کی اہلیہ نے ہیڈ کانسٹیبل سونل گوسائی سے تیکھی بحث کی ، جنہوں نے ریوابا کو ماسک نہیں پہنے ہوئے دیکھ کر کسان پاڑا چوک پر گاڑی روکی تھی ۔ ڈی ایس پی نے کہا  کہ ہماری شروعاتی جانچ میں پتہ چلا ہے کہ  ریوابا جڈیجہ نے ماسک  نہیں پہنا تھا ۔ یہ جانچ کا مدعا ہے کہ معاملہ کیوں بڑھا ، ہمیں پتہ چلا کہ دونوں فریقوں کے درمیان بحث ہوئی ہے ۔

انہوں نے بتایا کہ اس بحث کے دوران سونل نے  تکلیف کی شکایت کی ، جس کے بعد انہیں نزدیکی ہسپتال لے جایا گیا ۔ افسر ن بتایا کہ  آدھے گھنٹے کے بعد انہیں چھٹی دے دی گئی اور وہ اب ٹھیک ہیں۔ اس معاملے میں اب تک ایف آئی آر درج نہیں کی گئی ہے۔