مرکز کے زیر انتظام ریاست جموں اور کشمیر کے لیفٹیننٹ گورنر گریش چندر مرمو پاکستان کی خفیہ ایجنسی آئی ایس آئی کے نشانے پر ہیں۔بھارتی خفیہ ایجنسیوں کے مطابق حال ہی میں مظفر آباد میں ہوئی دہشت گرد تنظیموں کی میٹنگ ہوئی ، جس میں لیفٹیننٹ گورنر گریش چندر مرمو کو نشانہ بنانے کی بڑی سازش رچی گئی ہے۔خفیہ ذرائع کے مطابق کوٹلی کے جماع الحق مدرسے میں 29 اکتوبر کو جیش محمد نے میٹنگ بلائی تھی، اس میں تمام تنظیموں کے کمانڈر شامل ہوئے تھے جس میں ان کوحکم دیا گیا کہ جموں اور کشمیر کے لیفٹیننٹ گورنر مرمو پر حملہ کریں۔
خبروں کے مطابق حال ہی میں بلاک ڈیولپمنٹ کونسل کے انتخابات میں جیتے امیدوار بھی دہشت گردوں کے نشانے پر ہیں۔لشکر طیبہ کا دہشت گرد ضیاء الرحمان میر اس سازش کو لیڈ کر رہا ہے اور اس کے ہاتھ میں مکمل کمان ہیں۔لیفٹیننٹ گورنر مرمو کے علاوہ لشکر اور حزب کے دہشت گردوں کی ہٹ لسٹ میں بی جے پی جموں و کشمیر کے کئی بڑے لیڈر بھی شامل ہیں۔
وہیں پی او کے میں ہوئی اس میٹنگ میں فدائین حملے کے لئے دہشت گردوں کی حوصلہ افزائی کرنے اور زیادہ سے زیادہ حملے کو انجام دینے کی ہدایات جاری کی گئی ہیں۔بہاول پور کے مرکز عثمان و علی میں بھی جیش محمد نے ٹرینڈ فدائین کی میٹنگ بلائی تھی۔