سپورٹس ڈیسک ہندوستانی کرکٹ ٹیم کے سابق بولر عرفان پٹھان آج اپنا 34 واں یوم پیدائش منا رہے ہیں ۔ عرفان پٹھان 27 اکتوبر 1984 کو گجرات کے وڈودرہ میں پیدا ہوئے تھے ۔ عرفان پٹھان کا بچپن مسجد میں گزرا ہے جہاں ان کے والد موزن تھے ۔  لیکن کہتے ہیں کہ کوئی بھی پختہ عہد کرلیا جائے تو وہ تمہیں ایک نا ایک ضرور حاصل ہوگا ۔

ایک ایسا ہی خواب دیکھنے والے عرفان پٹھان ایک دن ہندوستانی کرکٹ ٹیم کیلئے ایسا سٹار بولر بن گیا جس کے چرچے نہ صرف ہندوستان میں ہوتے ہیں بلکہ ہندوستان سے باہر بھی انہیں اتنا ہی پیار ملتا ہے  انہیں خصوصیات کے چلتے بی سی سی آئی نے بھی ٹویٹ کے ذریعے انہیں ان کے یوم پیدائش پر مبارکباد پیش کی ہے ۔

عرفان پٹھان کے نام ٹیسٹ میچ میں ہیٹرک لینے کا ایک خاص ریکارڈ درج ہیں ۔ بات 2006 کی ہے جب ٹیم انڈیا تین ٹیسٹ میچوں کی سیریز کیلئے پاکستان کے دورے پر گئی تھی ۔ اس سیریز کے تیسرے اور آخری ٹیسٹ میں عرفان نے پہلے ہی اوور کی آخری تین گیندون ُر لگاتار تین وکٹ حاصل کئے تھے ۔ 

کراچی میں لی گئی یہ ہیٹرک ان کے لئے بیحد خاص تھی کیونکہ عرفان ٹیسٹ میچ کے پہلے ہی اوور میں ہیٹرک لینے والے دنیا کے پہلے گیند بنے تھے ۔ عرفان پٹھان نے سلمان بٹ ، یونس خان  اور محمد یوصف کو آؤٹ کیا تھا ۔ حالانکہ اس سیریز میں ہندوستان کو 1-0 سے ہار ملی تھی ۔