تہران / واشنگٹن : امریکی حملے میں ایران کے کمانڈر جنرل قاسم سلیمانی کے قتل کے بعد ایران اور امریکہ کے درمیان حالات بہت بگڑتے نظر آرہے ہیں۔اتوار کو امریکی صدر ڈونالڈ ٹرمپ کی جانب سے ا یران کو برینڈ نیو ہتھیاروں سے حملے کی دھمکی کے کچھ دیر بعد ہی ایران نے ٹرمپ کا سر قلم کرنے پر 80 ملین ڈالر انعام(قریب 5.76 ارب بھارتی روپے )کا اعلان کیا ہے۔
جنرل سلیمانی کی تدفین کے دوران ایک تنظیم نے ایران کے تمام شہریوں سے ایک ڈالر عطیہ کرنے کی اپیل کی ہے۔ٹرمپ کے سر کے بدلے رکھے گئے 80 ملین ڈالر کی رقم جمع کرنے کے لئے تنظیم نے تمام ایرانی شہریوں سے عطیہ کی اپیل کی ہے۔مساد میں جس وقت سلیمانی کی تدفین کی جا رہی تھی ، اسی دوران ایک ایرانی تنظیم نے یہ اعلان کیا۔
ادھر، ٹرمپ ٹویٹر پر مسلسل ایران کے خلاف پوسٹ لکھ رہے ہیں۔سر پر انعام کے اعلان کے بعد ٹرمپ نے بھی ایک ٹویٹ کیا۔انہوں نے کہا کہ ایران اگر کسی امریکی ادارے اور امریکن کو چوٹ پہنچاتا ہے تو اسے فوری طور پر خطرناک انداز میں جواب دیا جائے گا۔ایسے قانونی نوٹس کی یوں تو ضرورت نہیں ہے، لیکن میں نے پھر بھی خبردار کر دیا ہے ۔