ممبئی : سابق میڈیا کاروباری پیٹر مکھر جی اور ان سے الگ رہ رہی اہلیہ اندرانی مکھر جی سے طلاق پر جمعرات کو یہاں ایک پریوار عدالت نے مہر لگا دی ہے ۔ پیٹر اور اندرانی دونوں ہی شینا بورا قتل کا سامنا کررہے ہیں ۔ اندرانی کی وکیل نے بتایا کہ طلاق آپسی اتفاق سے لیا گیا اور عدالت بھی پوری طرح مطمئن تھی ۔
اس جوڑے نے باہمی رضا مندی سے طلاق کے لئے گذشتہ سال ستمبر میں باندرا کی ایک پریوارک عدالت میں عرضی داخل کی تھی ۔ طلاق کے دوران اس جوڑے کی جائیداد کے بنٹوارے پر بھی رضا مندی بن گئی ۔ اس میں سپین اور لندن میں جائیدادیں، بنک میں پڑی رقم اور دیگر سرمایہ شامل ہیں۔ اندرانی نے پیٹر کو طلاق کا نوٹس بھیجتے وقت دلیل دی تھی کہ ان کی شادی ٹوٹ گئی ہے اور ان میں صلح کی کوئی گنجائز نہیں ہے ۔ اندرانی ( 47) اور پیٹر (65) 2002 میں ازدواجی زندگی میں شامل ہوئے تھے ۔