ممبئی : بنگلہ دیش کے خلاف 3سے 26 نومبر تک ہونے والی گھریلو سیریز کے لئے ہندوستانی کرکٹ ٹیم کا کا اعلان جمعرات کے روز کیا جائے گا ۔ ہندوستانی کرکٹ کنٹرول بورڈ ( بی سی سی آئی ) کی کمیٹی اپنی میٹنگ کر بنگلہ دیش کے خلاف سیریز کے لئے ہندوستانی ٹیم کا انتخاب کرے گی ۔ ہندوستان نے جنوبی افریقہ سے گھریلو ٹیسٹ سیریز 3-0 سے جیتی ہے ۔
اسی دوران یہ بھی طے ہوگا کہ مہندر سنگھ دھونی کی ٹیم میں واپسی ہوتی یا نہیں ۔ کیونکہ چوٹ کی وجہ سے باہر چل رہے دھونی نے دعویٰ کیا تھا کہ وہ نومبر میں بنگلہ دیش کے خلاف ہونے والی ٹی 20- سیریز سے واپسی کریں گے ۔ اگر ان کا نام فہرست میں نہ آیا تو دھونی کے مداحوں کو ضرور مایوسی ہوگی ۔
بنگلہ دیش کو ہندوستان دورے میں تین ٹی 20- اور 2 ٹیسٹ میچ کھیلنے ہیں ۔ پہلا ٹی 20- دہلی میں تین نومبر کو کھیلا جائے گا ۔