اسپورٹس ڈیسک :میدان میں اپنی تیز گیند بازی اور  میدان کے  باہر اپنے سیس ؤف ہیومر سے سبھی کا دل جیتنے والے ہندوستانی کرکٹ ٹیم کے اسپنر یجویندر چہل نے سگائی کر لی ہے ۔اس حوشی کے پل انہوں نے اپنے مداحوں کے ساتھ بھی شیئر کیا  اور سوشل میڈیا پراس کی جانکاری  دی ۔

 انہوں نے اپنی سگائی کی جانکاری دیتے ہوئے ٹویٹر پر لکھا کہ' ہم نے اپنے پریواروں کے ساتھ ہاں کہا۔اس خوشخبری کو شیئر کرنے کے بعد کے ایل راہل سے لے کر ہاردک پانڈیا تک سبھی انہیں مبارکباد دے رہے ہیں ۔

اس کے ساتھ انہوں نے اپنی ہونے والی بیگم کی تصویر بھی شیئر کی ہے۔ اس سے پہلے وہ کئی بار دھن شری کے ساتھ زوم ویڈیو ایپ میں دکھائی دے چکے ہیں۔ فی الحال دونوں کی شادی کو لیکرکوئی  جانکاری سامنے  نہیں آئی ہے ۔

چہل وراٹ کوہلی کی ٹیم رائل چیلنجرس بنگلورو کا اہم حصہ ہیں اور کچھ دنوں میں وہ آئی پی ایل کیلئے یو اے ای روانہ ہوجائیں گے اور کافی وقت بعد ہی وہ گھر لوٹ پائیں گے ۔ایسے میں چہل نے اپنے فینس کو یہ خوشخبری دی ۔ آئی پی ایل کا انعقاد 19 ستمبر سے دس نومبر تک یو اے ای میں کیا جائے گا اور اسی کے ساتھ ہندوستانی کرکٹرس بھی طویل وقت بعد میدان پر واپسی کریں گے ۔

دھن شری کی بات کریں تو ان کی انسٹا گرام پروفائل سے معلوم ہوتا  ہے کہ وہ ڈاکٹر ہیں۔ اسی کے ساتھ ہی  دھن شری کوریو گرافی اور یوٹیوبر  بھی ہیں۔یجویندر چہل کی طرح وہ بھی سوشل میڈیا پر چھائی رہتی ہیں ۔