سپورٹس ڈیسک : ہندوستان اور بنگلہ دیش کے درمیان 2 میچوں کی ٹیسٹ سیریز کا آخری میچ کولکتہ کے ایڈن گارڈن میں کھیلا جارہاہے ۔ یہ دونوں ٹیموں کے درمیان تاریخی مقابلہ بھی ہے کیونکہ دونوں ٹیمیں پہلی بار گلابی گیند کے ساتھ ڈے نائٹ ٹیسٹ کھیل رہی ہیں ۔ بنگلہ دیش نے ٹاس جیت کر پہلے بلے بازی کا فیصلہ لیا اور اننگ کاآغاز کیا ۔ بنگلہ دیش کی شروعات دھیمی رہی اور چار بلے باز بغیر کھاتہ کھولے ہی آؤٹ ہوگئے جس کے نتیجے میں بنگلہ دیشی ٹیم محض 106 رن ہی بنا سکی ۔
بنگلہ دیش کی جانب سے سب سے زیادہ شادمان اسلام نے (29رن ) بنائے ہیں ۔ اس کے علاوہ امرل کیس 4 رن ،محمداللہ 6 رن ، لٹن داس 24 رن ، نعیم حسن 19 رن ، عبادت حسین 1 رن ، محدی حسن8 رن اور الامین حسین نے 1 رن بنائے ہیں ۔
ہندوستانی گیند بازوں کی بات کریں تو ایشانت شرما نے بہترین گیند بازی کا مظاہرہ کرتے ہوئے 5 وکٹ حاصل کئے ہیں وہیں امیش یادو نے 3، محمد سمیع نے 2 وکیٹ حاصل کئے ہیں ۔