نئی دہلی: ہندوستان نے روس سے تیل خریدنے کی نیٹو کی دھمکیوں پر سخت ردعمل دیتے ہوئے کہا ہے کہ وہ کسی کے دباؤ کے سامنے نہیں جھکے گا۔  ہندوستان نے کہا کہ وہ کسی اتحاد کی منظوری سے نہیں بلکہ اپنی ضروریات اور پالیسیوں کے مطابق فیصلے کرتا ہے۔
یوکرین روس جنگ کے بعد مغربی ممالک نے روس پر پابندیاں عائد کر دی ہیں لیکن ہندوستان نے روس سے سستا خام تیل خریدنا جاری رکھا ہے کیونکہ یہ ملک کی معیشت اور توانائی کی ضروریات کے لیے ضروری ہے۔ نیٹو کا کہنا ہے کہ ہندوستان کا یہ قدم ان کے خلاف جاتا ہے تاہم ہندوستان نے واضح کیا ہے کہ یہ اس کی اپنی اسٹریٹجک سوچ کا حصہ ہے۔
ہندوستان نے کہا کہ وہ کسی قسم کی دھمکی یا دبا ؤکے سامنے نہیں جھکے گا۔ انہوں نے یہ بھی کہا کہ ہندوستان نے یوکرین جنگ پر بھی غیر جانبدارانہ موقف اپنایا ہے۔ ہندوستان نے نہ تو روس کا ساتھ دیا اور نہ ہی مغربی ممالک کا ساتھ دیا۔ اس سے ثابت ہوتا ہے کہ ہندوستان ایک آزاد اور خود انحصار ملک کے طور پر کام کر رہا ہے۔
یہ بات بھی قابل ذکر ہے کہ ہندوستان نے G20 کی قیادت کرتے ہوئے، Quad اور دیگر عالمی اتحادوں میں حصہ لے کر عالمی سطح پر اپنی مضبوط موجودگی کا مظاہرہ کیا ہے۔ نیٹو جیسے انتباہات ہندوستان  کو اس کے راستے سے نہیں ہٹا سکتے ۔ آخر میں، ہندوستان کا موقف واضح ہے کہ وہ سیاسی یا معاشی فیصلے کسی اور کے دباؤ میں نہیں بلکہ اپنے عوام اور ملک کے مفاد میں لیتا ہے۔ نیٹو کچھ بھی کہے، ہندوستان اپنی حکمت عملی پر قائم ہے۔