کولکتہ : ہندوستانی کرکٹ آخر کار گلابی رنگ میں رنگنے جارہا ہے اور بنگلہ دیش کے خلاف جمعہ سے شروع ہورہے دن رات کے تاریخی ٹیسٹ میں وراٹ کوہلی کی ٹیم کا پلڑا یقینی طور پر بھاری ہوگا ۔ سابق کپتان سوربھ گانگولی کی قیادت میں بی سی سی آئی نے گلابی گیند سے یہ ٹیسٹ کرانے کا پہلی بار فیصلہ لیا ہے ۔ بین الاقوامی کرٹ کونسل ٹیسٹ میں ناظرین کی دلچسپی پھر جگانے کیلئے 7 سال پہلے اسے منظوری دے چکی ہے ۔ 

گانگولی نے بنگلہ دیش کرکٹ بورڈ کو بھی کافی کم وقت میں اس دن رات کے ٹیسٹ کیلئے منا لیا ۔ ابھی تک دنیا بھر میں دن رات کے 11 ٹیسٹ کھیلے جا چکے ہیں ۔ چار سال پہلے آسٹریلیا اور نیوزی لینڈ کے درمیان پہلا دن رات ٹیسٹ کھیلا گیا تھا ۔ آسٹریلیا نے گذشتہ سال وہیں پر دن رات کا ٹیسٹ کھیلنے کی تجویز رکھی تھی لیکن ہندوستانی راضی نہیں ہوا تھا ۔ اس کی وجہ ایس جی گلابی گیند تھی ۔ جسے سورج غروب ہونے کے بعد دیکھنا مشکل ہوتا ہے ۔ اس پر اگر شبنم کا کردار ہو تو گیند بازوں کیلئے بھی دقت پیش آتی ہے ۔ 

گانگولی اور کوہلی حالانکہ اس کیلئے تیار ہوگئے ۔ موجودہ ہندوستانی کپتان وراٹ کوہلی کو اس کیلئے ہاں کہنے میں صرف تین سیکنڈ لگے۔ ابھی تک ٹیسٹ کی تیاری شاندار رہی ۔  پہلے چار دن کے پورے ٹکٹ بک چکے ہیں جو دودھیا روشنی میں میچ کرانے کا ارادہ بھی تھا ۔ اس پوری ہائپ کے دوران ہندوستانی ٹیم گھریلو سیریز میں لگاتار 12 ویں جیت کی تیاری میں ہے ۔ کھلاڑیوں کیلئے حالانکہ چنوتی جلدی سورج غروب ہونے پر شبنم کے اثرات سے نمٹنے کی ہوگی ۔ یہ بھی دیکھنا ہوگا کہ گلابی گیند سے کھلاڑی کیسے کھیلتے ہیں ۔ 

https://twitter.com/ANI/status/1197734563251752960