اسپورٹس ڈیسک:  ایک طویل عرصے سے ہندوستان اور پاکستان کے مابین کوئی  سیریز نہیں کھیلی گئی ہے۔ اس دوران کے دوران پاکستان کی کوشش  رہی ہے کہ ہندوستان کے ساتھ سیریز ہو،لیکن ایسا نہیں ہوسکا۔   اس کو لیکر پاکستان متعدد بار حکومت ہند پر انگلی  اٹھا چکا ہے ۔ ایک بار پھر حکومت ہند کے خلاف  لفاظی کرتے ہوئے پاکستان کرکٹ بورڈ(پی سی بی) کے چیئرمین احسان مانی نے کہا کہ ہند - پاک کرکٹ سیریز حکومت ہند کی پالیسی کی وجہ سے نہیں ہوتی ہے۔

اسپورٹس ویب سائٹ  پر گفتگو کرتے ہوئے کہا کہ پاک - ہندوستان  میچ دنیا میں سب سے زیادہ دیکھے جانے والے کرکٹ میچ ہیں۔ انٹرنیشنل کرکٹ کونسل(آئی سی سی) اور ایشین کرکٹ کونسل (اے سی سی) کے ایوینٹس کے علاوہ  ہم حکومت ہند کی پالیسی کی وجہ سے ایک دوسرے کے خلاف نہیں کھیلتے ہیں۔ اگر ہم ایک دوسرے کے خلاف کھیلتے ہیں تو یہ عالمی کرکٹ کی بھلائی کے لئے اچھا ہوگا۔ حالانکہ ہمارے منصوبے میں ہم ہندوستان کے خلاف کسی بھی دو طرفہ سیریز کو  دھیا ن میں  نہیں  رکھتے ہیں ۔

پاکستان کرکٹ بورڈ کے چیئرمین احسان نے بی سی سی آئی سے تعلقات کے بارے میں کہا کہ پی سی بی کو بی سی سی آئی سے کوئی پریشانی نہیں ہے۔ انہوں نے کہا ہے ، مجھے  اس بات کا اندیشہ نہیں کہ کچھ ممالک  اپنے مفادات کو کھیل سے آگے رکھتے ہیں۔ ہم سب عالمی کھیل  اور عالمی کرکٹ کی بھلائی کے لئے فرض ادا کرتے ہیں اور اس سے پہلے  اپنے قلیل مدتی مفادات کو نہیں رکھتے ہیں۔