نئی دہلی:دنیا بھر میں دہشت پھیلا چکا  کورونا وائرس ہندوستان میں بھی جان لیوا  ثابت ہو رہا ہے۔ ہندوستان میں کورونا سے اب تک دو افراد کی موت ہو چکی ہے ۔ ملک میں کورونا وائرس سے  متاثرہ مریضوں کی تعداد بڑھ کر 105پر پہنچ چکی ہے۔ تین نئے معاملے کیرل سے سامنے آئے ہیں تو ایک نیا معاملہ جموں کشمیر  سے سامنے آیا ہے ۔ وہی مرکز ی حکومت  نے کورونا کو قومی ایمر جینسی اعلان کر دیاہے۔ ابھی تک جن دو اموات کے معاملوں کی تصدیق ہوئی  ہے، ان میں پہلا کرناٹک کے کلبرگی اور دوسرا دہلی کا معاملہ ہے۔ کلبرگی میں سعودی عرب سے لو ٹنے والے ایک بزرگ کی  موت ہوئی تھی جبکہ دہلی میں جمعہ کو ایک بزرگ عورت نے آر ایم ایل ہسپتال میں دم توڑا  تھا ۔ عورت کا بیٹا اٹلی سے  واپس  آیاتھا  اور اسی کے ذریعے اس کی ماں تک انفیکشن پہنچایا تھا۔

ممبئی میں سنیچروار کو کورونا وائرس کے چار نئے مریضوں کی تصدیق  ہوئی ۔ یہ جانکاری ممبئی میونسپل کارپوریشن نے دی ۔ اس سے مہاراشٹر میں تصدیق شدہ معاملوں کی تعداد بڑھ کر  31اور ممبئی میں آٹھ ہو گئی ۔ ممبئی میں جن نئے میریضوں کی تصدیق ہوئی ہے ان میں سے ایک شہر کا رہائشی ہے جبکہ دوسرے کاموٹھے ، واشی اور کلیان کے رہنے والے ہیں۔
دہلی سے اب تک کورونا وائرس کے چھ اور اتر پردیش سے 11تصدیق شدہ معاملے سامنے آئے ۔کرناٹک میں14، لداخ میں تین اور جموں کشمیر  میں دو مریض ہیں ۔ اس کے علاوہ ، راجستھان ، تیلنگانہ ،  تمل ناڈو ، اندھر پردیش اور پنجاب سے اس وباء کے ایک ایک معاملے سامنے آئے ہیں ۔ کیرل میں اس بیماری کے 19معاملے سامنے آئے جن میں سے تین مریضوں کو انفیکشن سے نجات ملنے کے بعد گزشتہ ماہ ہسپتال سے چھٹی دے دی گئی ۔ وزرات کے مطابق کل 96معاملوں میں 17غیر ممالک کے مریض ہیں اور ان میںبھی 16اتاولی اور ایک کینیڈیائی  ہیں۔
حکومت کورونا وائرس کے پیش نظر ماسک اور ہینڈ سینیٹائرز جیسی چیزوں کی کمی اور بلیک مارکیٹنگ کے مد نظر  جمعہ کو نئے 95سمیت ماسکوں اور ہینڈ سینیٹائزروں کو ضروری اشیاء قانون کے تحت ضروری اشیاء  اعلان کر چکی ہے۔یہ چیزیں  جون کے آخر تک ضروری اشیاء کی کیٹیگری میں ہوں گی ۔ اس قد م کا مقصد واجب قیمت پر ا ن کی دستیابی یقینی کرنا اور ذخیرہ اندوز بلیک مارکیٹنگ پر کارروائی  کرنا ہے۔