اسلام آباد: پاکستان میں تحریک انصاف حکومت کے سربراہ عمران خان نے ملک کے قومی احتساب قانون میں بڑی تبدیلی کی ہے جس سے نہ صرف سیاست دانوں بلکہ نوکر شاہوں اور کاروباری برادری کو بڑی راحت ملے گی۔

عمران حکومت کے قومی احتساب آرڈیننس 1999 میں تبدیلی کے بعد اب قومی احتساب بیورو (نیب)50 کروڑ روپے سے کم کی رشوت کے معاملات کی جانچ نہیں کرے گا۔سرکاری افسر کو گرفتار کرنے سے پہلے اسکروٹنی باڈی کی اجازت لینی ہو گی۔
بتا دیں کہ گزشتہ روز وفاقی کابینہ نے بذریعہ سرکولیشن قومی احتساب بیورو (نیب)  ترمیمی آرڈیننس 2019 کی منظوری دی تھی اور صدر مملکت ڈاکٹر عارف علوی کے دستخط کے بعد یہ آرڈیننس نافذ العمل ہوگیا ہے۔