اسلا م آباد :پاکستان کے وزیر اعظم عمران خان نے ایک بار پھر نشانہ لگاتے ہوئے کہا کہ کشمیر مسئلے پر بین الاقوامی برادری کو کوئی لینا دینا نہیں ہے ۔انہوں نے کہا، تجارتی مفاد مغربی ممالک کے لئے زیادہ اہم ہیں اور اسی وجہ سے مسئلہ کشمیر پر 'ڈھیلا رد عمل' دیکھنے کو ملا ۔ عمران نے ایک انٹرویو میں کہا،  ہندوستان ایک بڑی مارکیٹ ہے اور یہی وجہ ہے کہ کشمیر کے 80 لاکھ لوگوں کے ساتھ  ہندوستان کی اقلیتوں کو لے کر مغربی ممالک کے رد عمل اور ان کے جوابات انتہائی  کمزور ہیں۔بدقسمتی سے ان ممالک کے لئے تجارتی مفاد زیادہ اہم ہیں۔مایوس کن یہ بھی ہے کہ میڈیا کی توجہ ہانگ کانگ کے احتجاج پر ہی ٹکی ہے جبکہ کشمیر کا مسئلہ اس سے بڑا ہے

 آر ایس ایس پر بھی نکالی بھڑاس 
ہندوستان  مخالف بیان بازی جاری رکھتے ہوئے عمران نے آر ایس ایس پر پھر بھڑاس نکالی۔انہوں نے کہا، نئی دہلی نے اسلام آباد  کی  امن قراردادوں کا جواب نہیں دیا کیونکہ وہ آر ایس ایس کے نظریات پر چل رہی ہے ۔آرٹیکل 370 پر پوچھے گئے سوال پر عمران بولے،  ہندوستان ایک شدت پسند نظریہ اپنائے ہوئے ہے ، جسے ہندوتو کے طور پر جانا جاتا ہے۔میں دنیا کا پہلا لیڈر تھا جس نے  ہندوستان  میں ہو رہے ان واقعات کے بارے میں خبردار کیا۔

 شنگھائی تعاون تنظیم ( ایس سی او) کے لئے پاکستان نے دیا اشارہ 
ہندوستان کی طرف سے 19 ویں شنگھائی تعاون تنظیم ( ایس سی او)کے سربراہی اجلاس کے لئے پاکستان سمیت تمام رکن ممالک کو مدعو کرنے کے تناظر میں پاکستان نے کہا ہے کہ ان کا ملک اس سرکاری دعوت کا انتظار کر رہا ہے۔پاکستان نے اشارہ دیا کہ وزیر اعظم عمران خان کا پڑوسی ملک کا سفر اس وقت دونوں ممالک کے تعلقات پر منحصر کرے گا۔ ذرائع نے کہا کہ اسلام آباد شنگھائی تعاون تنظیم کے طریقہ کار کے لئے مصروف عمل ہے۔ جب بھی دعوت ملے گی، اس وقت کشمیر کی صورتحال اور ہندوستان  کے ساتھ ہمارے باہمی رشتوں کو دیکھتے ہوئے اس پر غور کریں گے۔